Rallokap pawl cu KIA nih bomb in an puah hna i minung 7 an thi 12 hliam an si; Shan chaklei Kwathkine pengkulh Ho Naung khua pawng mandalay le Muse kalnak lam cung ah rallokap bu pakhat cu KIA Batalion 29 nih tu zaanlei suimilam 1:30pm hrawng ah bomb in an puah hna i rallokap minung 7 an thi minung 12 leng an i hliam.
Shanchaklei, Mandalay- Muse lampi pawng ah rallokap le KIA,TNLA,MNDAA hna cu tu le tu an i kah nak a um peng ko. TCP
Relchap:Yeoo Peng Ah USDP Party Sawmtu Lampi Ah Meikhangh In Thah A Si Yeoo(ေရဦး) peng USDP party sawmtu cu Covid zawtnak runvennak sii a chunh hna hnu a kir lei ah meikhangh in thah a tong; Sagaing ramthen, Shwebo pengkomh, Yeoo(ေရဦး) peng Mangyi(မန္က်ည္း) khua le Authphoe(အုတ္ဖို) khua kar ah nihin August 4 chunhnu ah Yeoo peng USDP party sawmtu pakhat cu meikhangh in thah a tong tiah khuami hna sin in theih a si.
Cu Kong he pehtlai in Yeeoo khuami pakhat nih”nihin chunhnu suimilam 2:00 hrawng ahcu thawngpang hi theih a si.Amah Ngaungnikan(ေညာင္နီကန္) khuate komh uktu a si i, Watphyu(ဝက္ျဖဴ) khua ah a um mi a si. Covid zawtnak runvennak sii chunh dih a kir lei ah atu bantuk thil a can hi a si, cycle he a minung he khangh a si, mi zei nih dah khangh in an thah ti cu theih a si lo.
Yeoo peng USDP party chungtel pakhat nih cu bantuk a cang mi thil kong he pehtlai in a chim mi cu “a thi mi hi pengkomh sipin hmu U Tawng Htay (kum-51) a si,zeiruang ah dah thah a ton cu ka thei lo, nizaan zinglei ah a Facebook ah Shweboo peng Palai khua PDF hruaitu cu hotel ah a nungak he an um ti tiah hmanthlak he a tar mi cu ka hmuh, cu kong he cun pehtlaihnak hna a um hnga maw cu ka thei lo” tiah a chim.
An thah nak pawngkam hrawng ah lo riantuan mi pakhat nih ” U Tawng Htay cu ho si ti theih lo mi minung 12 nih an velh, U Tawng Htay nih amah cu velh lo ding in a nawl hna, a tluk hnu ah a pum cung ah cycle in an nenh hnu ah mei in an khangh” tiah a Facebook ah a langhter.
Leave a Reply