D-Day authawng nih KIA Brigade pa 2 ah kahdohnak a chuah ter colh; NUG nih September 7 ah D Day tiah a thanh hnu suimilam tlawmpal a rauh ah Sagaing ramthen ah kahdohnak a chuak. NUG nih D-Day tiah a thanh hnu suimilam tlawmpal a rauh ah Sagaing ramthen Hungmalin (ဟုမၼလင္း) pengah ralhrang phu hna le KIA kar kahdohnak a chuak.
(NUG) cozah nih nihin September 7, zinglei ah ramchung hramhram nawlngeihnak latu ralhrang phu doh ding ah a thanh hnu suimilam tlawmpal a rauh ah Sagaing ramthen Hungmalin (ဟုမၼလင္း) peng ah ralhrang phu le KIA kaphnih kar kahdohnak a chuak tiah theih a si.
Ralhrang phu chungtel hna le KIA brigade 8 le 9 kar ah nihin September 7,zinglei suimilam 10:30 hrawngah thok in kahdohnak a chuak tiah theih a si. Kaphnih kar kahdohnak kong he pehtlai in thawngfiang langhter khawh mi a um rih lo.
Magway ramthen chung khuali in ralhrang phu hna kuttang riantuan umnak hmun 5 ah September 7,zinglei ah bomb in an doh hna tiah khuami hna sin in theih a si.
Bomb in doh an tonnak hmun hna cu Tawngdwingyi (ေတာင္တြင္းႀကီး) in khah-mah-yah 103 umnak hmai gate, Natmohmyo(နတ္ေမာက္) in economic bank security gate, Natmohmyo(နတ္ေမာက္)peng Kalashin khua in ralhrang phu rianpek cohlangmi khua uk tu U Khin Mawng Htay inn, Myotit peng in kah-pah-sah(က.ပ.စ -၁၇) lei pehmi 11KV mei tung 2 le Yesagyu khua no 7 sang siipin bawi inn hna cu kut chehmi bomb in an cheh hna tiah theih a si.
Khah-mah-yah (ခ.မ.ရ-၁၀၃) he pehtlai mi pakhat nih cun “gate cu an puahhnawh ,a hngaktu hna cu an hliamh tiah theih a si, an nunhim le him lo theih a si rih lo” tiah a chim. Natmohmyo (နတ္ေမာက္)in Myanmar economic bank gate hnnak zong bomb nih a peh hna caah hliam tuar mi an um, Kalashin khuabawi U Khin Mawng Htay cu hliamh lo in a umnak inn tlawmte a rawk tiah theih a si.
”Kah-pah-sah(က.ပ.စ-၁၇) lei meitung pahnih a tluk cu hmuh a si, a pawngkam tihnung a si lai tiah kan zoh ngam lo” tiah khuami pakhat nih a chim. Atu ah a cang mi puahkehnak cu Bitanoe (ဗိႆနိုး)hmunhma mipi vengtu phu hna nih an tuah mi a si tiah cathanh ah an langhter, NUG nih dothlennak ding caah mipi ralkap hna auhnak a thok ni ah atu bantukin kan tuah hi a si tiah Bitanoe (ဗိႆနိုး)mipi vengtu phu in biachimnak nawlngeitu nih a chim. Crd. The Chin Post
Leave a Reply