KIA Nih Kawl Ralkap Cu Fak Taktak In An Phomh Hna!

Ralkap nih mipi an thah mi hna nak fak deuh in KIA nih an thah hna. Nihin March 11, zinglei zong ah Pakhanh peng Seyin khua um KIA Tatmaha 9 tang ummi Tatzin 26 nih an pawng ummi kawl ralkap sakhan pakhat an lak than. Kawl ralkap hriamnam tampi KIA nih an chuh rih hna.

 

Nihin an i kahnak ah Kawl ralkap lei Buhmu telh in a thimi le hma a pumi an tam ngai ti si. An meithal zong zun 10 fai KIA nih an chuh hna. KIA nih rampi theih in an phuan cang. Mipi lei nih an kan sawm bantuk tein ralkap nih sualnak ngei lo mipi an kah peng hna caah ralkap cu kan tuk thluahmah cang hna lai an ti. Crd:TCT

Thawngpang Dang: Tlanglo ah a caam mi Kawl Ralkap le Dr. Sui Khar atu nai ah an i tong than! Nizan March 10 ah Camp Victoria ah a kal mi Ralkap cu Tlanglo ah an caam i tuIzing March 11 ah Camp Victoria ah kal than an i timh ca ah Dr. Sui Khar Thantlang lei in a rak ra i Tlanglo ah an i tong than tiah thawng kan theih.

Hi kong ah Tlanglo khua upa pakhat nih “Atu nai chun 12:00 ah khan Thantlang lei in Dr. Sui Khar a rak phan i kan khua ah an i tong than. Pu Sui Khar cu a rak men lo. An tih ngai ti a langtuk. Pu Sui nih ‘cunglei ka chawnh cang hna’ a ti hna i an dai.

Asinain cunglei nih rak kal than ding in an van ti hna ca ah a si rua. Cucaah Dr. Sui Khar nih ‘Bohmu pakhat le Ralkap pathum nih ka zul u’ a ti hna i atu nai ah khan Tio leiah an tum,” tiah The Hakha Times ah a chim.

Camp Victoria lei in CNA pali an rak kai. Cun Dr. Sui Khar a van zultu pathum nih an zulh hna. Dr. Sui Khar nih “Ralkap Bohmu le a dang pakhat cu a motor ah a thutter hna i a dang pahnih cu motorcycle in an kal,” tiah a chimchap.

Zing ah khan cun kan lungre a theituk nain atu Pu Sui a rat hnu cun kan lungretheihnak a dai, kan thin a phang ti lo, tiah a cunglei upa nih a chim. Ralkap hi nizaan Camp Victoria an kal an kir hnu in tlung lo in Tlanglo ah an caam i khuachung Tualleng Sianginn ah hmunhma an khuar tiah thawng kan theih. Credit: The Hakha Times