KIA Hmai Ah Kawl Ralkap Cu An Cawl Kho Ti Lo. Minung 20 Tluk An Thi!

KIA hmai ah cun ralkap pawl cu kutke tlamtling lomi an lo. Nai hrawng cu Kutkhai ah KIA le kawl ralkap an i kaap pah lengmang. Feb. 23 zing zong ah khan KIA Tatmaha 4/6 le Kawl ralkap pawl an i kap.

Kawl ralkap pawl cu KIA doh ding an kal lio lampi ah KIA nih an phomh hna i 20 tluk an thi. 10 leng hma an hmu rih. Ralkap an motor zong KIA nih an kah piak hna. Cun an hriamnam vialte KIA nih an chuh dih hna. Crd: TCT

Relchih Ding Theihtha: Ralkap an tla thluahmah an thaw te lawng a taang cang, UN, US tlangtlaak le bawmh hau loin mipi thazaang tein ralkap kan tei hna lai. A rau ti lai lo. CDM thazaang a thawng chin ralkap thazaang a tla thluahmah ve.

A ruang cu a bik in ralkap nih dinti bantuk in an i tohmi Tuluk le Thailand luhnak lam a pit cang. An phaisa hmuhnak a car thluahmah. Ram chung phaisa hmuhnak zung le bank ah phaisa a cawl kho ti lo. Cu leng ah ramdang pehtlaih nak a ngeih ti lo caah an ro thluahmah cang.

Mithmuh kuttongh in a lang khomi cu sandahpiah mi mipi khamnak motor pawl siseh Ralkap le palik thazaang hrim a zawr tuk cang. Ramdang phaisa an ngeih ti lo caah a nauta bik Datsii Diesel hmanh a za in an ngei ti lo. An khuachung chawh tamtuk caah datsi an ngei ti lo i an motor pawl zong duhduh in an hmang kho ti lo.

Mipi kan rian palik tam deuh an i chawh nak hnga le an datsi a dih zau nak hna hmaiton in pah bak lo ding. Palik nih lam an kham cun lamdang ah kal ding. Mibu tampi hmunkhat um nak in a bubu lamkip i um. Palik pawl thek kha kan rian a si. Caan a sau ti lai lo. Teinak kan hmuh ni a nai cang. An bank tiang a ro dih cang. An thaw te lawng a tang cang. Crd/TCT