Khuate KhuaBawi Le Upa Lungfim A Ti Mi Pawl Nih NLD Party Cu Kan Tleihchan Peng Ko

Khuate khuabawi le upa lungfim a ti mi a tam u nih cun NLD party cu a si kho bello mi a si ter khawh tu ah an ruah i, a tam u khuate cu NLD party ah vote an thlak lai ti hi a fiang pah cia cang. NLD policy hmanh a hngallo mi nih Sukyi A um nak party poh cu a tha bik ah an ruah mi hi a poi ngaingai.

NLD cozah hi a chia ka ti loh ka soisel lo, nain khua a ruat ngai bantuk i a um ter mi nih an kal ning le an policy hmanh theih fiang lo in, fak tuk i kan tanh le kan dirpi mi hi cu a that nak lei nak in a that lo nak a chuak deuh lai.

Pumpak tiangin an i hua an i al hna tikah hi tiangtiang ding hi cu a si bello.A tu i lairam a thancho nak vialte khi NLD i an tuah mi ah an ruah dih. A ngaingai tiah cu 2010 a kai mi Thein Sein cozah i lam a cialcia mi ah a lut mi ceo an si, Inn ka a hun piak tu cu USDP party Thein Sein cozah an si.

Khuate le khuapi cheukhat ah hin a chungkhar tiang i party kongah a lung a rual lomi an tamngai hna, buainak tete zong a chuak pah, party kong kan i al ruangah, Chinram mi tlawm te mah tluk i kan baui ko a si ah cun Zei federal cu hme an kan pek duh hnga. lung rual tein chinmi hi CNLD a si lo ah NLD lawlaw ah i hlum kho sih law a tha bik ko. (kawi Van)

 127 total views,  1 views today

This function has been disabled for Chin 11 News.