Khual Tlawnnak Lampi Kan On Cang Tiah PDF Nih An Thanh

Kalay-Tamu Motor Lampi Cu PDF Nih An On Ṭhan Cang

Tamu in Kalaymyo lei kalmi SAC ralkap motor cu a luancia November 28 zanlei sml 5:00 hrawngah Kalaymyo ah an luh cang caah Tamu-Kalay lampi cu zulh khawh a si cang, tiah theih a si.
Nizan November 29 ah Kalay in Tamu ah tualchung mi motor 200 tluk cu zalong tein an lutchuak kho ṭhan cang.

SAC ralkap motor run cu a luancia November 14 lioah Tamu in Kalay lei ah an kal i November 22 ah Thanzin le Kabar Kyia(ကမ္ဘာကြား) khua karah PDF-Tamu nih bomb in an rak puahhnawh hna, tiah theih a si.

SAC ralkap motor run cu India ram in hriamnam a phurmi an si i, November 26 zing sml 10:20 hrawngah zanlei sml 3:00 tiang meng 56 khua le Myalaytaung(မြလေးတောင်) karah PDF nih bomb lung 6 in an rak puahhnawh hna pinah drone le hriamngan in an rak kah hna.

November 26 zan ah SAC ralkap hna cu Myalaytaung ah an riak i November 27 zinglei ah Kalaymyo ah an lan. Zing sml 8:40 ah PDF-Kalay nih bomb in an puahhnawh hna i SAC ralkap motor 2 an rawk dih, tiah theih a si.

Be the first to comment

Leave a Reply

Your email address will not be published.


*