Khua Tih Nung Lungtekep Hmanh Lak Ngam A Si Lo

Hlan kan pipu hna nih chiatsarh mi khua a si ti in an  chauk tak mi khua an rak  nei, an khua vengtu khua chia a lungtling lo tik ah pam nak le pulhrai cu a tlung ter tiin zumhnak an nei.

California ram chung i Bodie kha cu khuachia cennak khua a si tiin 1950 hrawng ah mipi nih an chuah tak mi khua a si. Tuni tiang a ho hmanh an um duh lo/ an um ngam ti lo. 1962 kum ah a tlang in cozah nih an veng tawn i hi Bodie state Historic Park ah an tuah.

Tu ahcun pal khawh a si cang nan nikhat ah suimilam 2chung lawng um an siang, an chuahtak lio ah khan an an chiah ta mi bungbel, thilri pawl zawng a um nak kel ah an um pakhat hmanh a tlau mi le a rawk mi an um lo a tu tiang in himbawm tein an um ko tiah a va kal mi nih cun an chim. Cozah in zei hmanh lak an siang lo, BOdie khua chung ah thilri a lak tu cu chiatserhnak an cung ah a tlung i thil an tuah nak ah hlawhtlingnak an hmu bal lo tiah an ti.

Thilri laktu an rak um bal i an nunnak ah buainak an tong lengmang, khuachia nih an tlun tawn hna ti an theih ruangah an thilri cu lak an duh lo, thilri an lak mi cu an va chiah than.

khua chung i lungtekep hmanh ah lak ngam a si lo. 1876kum ah khan rak tlak mi khua a si i minung 10,000 hrawng an rak um nak khua a si. khua hlunghlai tuk mi a si abna tuk in saloons tuaknak 70, lamnak inn lianpi, gambling halls, hotels le biakinn te hna a tha tuk mi an rak nei bal.

A si nain, mi sual umnak hmun khua ah an chuak i khua chung ah an i thah tawn. Tual chung i thahnak khuapi ah a cang ruangah khuachia an karh deuh deuh, mipi hnahnawh nak an pek hna ruangah aho hmanh an um ngam ti lo.

Nu pakhat a thlaruh tuk mi a um i a vahvaih ning zawng hi tih nung tak tak khi a si, tih a nung tuk um nak a that hna lo caah minung umnak ding khua a si ti lo tiin an rak chuahtak. A pawngjam i a ummi pawl nih zanlai ah Bodie khua chungah thawngvang a mak tuk tuk mi an theih tawn.

 109 total views,  2 views today

This function has been disabled for Chin 11 News.