Khohsuai Ei A Hmang Tuk Mi Hna Pawl Caah Ralrin Peknak

Ngandam a duh mi le nun khuasau a duh mi nih cun kan pum hi kan I dawt a herh tuk ti cu theih lengmang mi a si ko. Asinain kan rak theih tuk lemlo mi le a tha ko rua tiah kan ruah lengmang mi chung in kan pum caah tihnung le thatlo nak a chuah ter lengmang tu hi thil tampi a um.

Taiwan ah kum 18 tlangval note hi khohsuai (chinsat, waiwai) a ei tuk nak ah pawpi cancer in a nunnak a liam. Hi kum 18 pa hi nifatin tein khohsuai a ei lengmang mi a si I rawl nak hmanh in khohsuai hi a ei deuh lengmang mi a si caah a donghnak ah cun pawpi cancer in a nunnak a liam hi a si tiah doctor pawl nih an chim.

Hi kum 18 pa hi high school a dih hnuin University kai ding in timhlamh nak a ngei cuahmah mi a si I luakchuah le pawfah in a um lengmang caah a nu le pa nih siizung ah an kal pi tik ah cun a pawpi cu cancer a rak si cang caah an damh kho ti lo I nithum hnu ah siizung ah cun a nunnak a liam hi a si.

Cu ruang ah Taiwan siizung I doctor te zong nih khohsuai hi ei tuk lo ding in biatak tein mipi sinah thawngthanh nak zong an tuah lengmang hi a si. Cu ruang ah khohsuai ei hi kan I ralrin ve ding ah hi kong hi an rak phozar mi zong a si caah kan nih hna zong nih kan I ralrin ngai ve ding zong a si.

Credit: Thawn Khai

 643 total views,  2 views today

This function has been disabled for Chin 11 News.