Khoh-Suai An Ser Nak Hmun A Hnawm Tuk Hringhran Caah An Company Phih Piak An Si

Malaysia ram Sagambut ah a um mi A NODDLE an ser nak company pakhat cu an thilri hman mi le an seh thilri pawl, an umnak hmun le khoh-suai an sernak mi pawl an hnawm tuk hringhran hna I an ser mi khoh-suai a ei tu hna caah tihnung tuk a si tiah an ti ruang ah Malaysia palek nih an phih ter hna I zeitik hmanh ah on than nak nawl an pe ti hna lo.

Hi khoh-suai an sernak hmun chek ding in an kal ahhin a hmun an phak cu palek pawl zong an khuaruah a harko, hi tlawm hnawmtam lak ah nan ser mi khoh suai hi maw mipi ei ding ah nan rak zuar, nan hman mi seh pawl hna le nan umnak vampang, nan thut dir nak tuang pawl hna hi an hnawm tuk hringhran tiah zong an ti ve hna.

Cu khohsuai ser nak hmun ah hlawhfa rian a tuan ve mi hna ramdang mi minung pathum nih an palek sinah an chim mi cu “khohsuai kan ser chung ah hin hmaikhuh zong kan hmang lo, kut hruk zong an kan hmanter lo, kan sernak hmun pawng ah hin a remning paoh in kan sun le kan ek zong an kan zun ek ter ko. Cun seh kan hman mi pawl zong hi an chia tuk cang ko nain a thar cawk le thiang tein tawl ding tiah kan boss le kan chim ko hna zong ah rian kan tthulh lai caah hmang ko uh an kan ti caah kan ser mi khohsuai hi kan nih cun kan ei duh lo, zuar ding lawng ah kan ser tawn” tiah an chim.

Cu ruang ah khohsuai sernak sehzung company a ngeitu pa cu pohmah 11 in a hmuh an phonh piak pinah zeitik hmanh ah company le sehzung on than nak nawl an pe ti lo tiah DBKL nih an chim.

Akon Thi

 184 total views,  1 views today

This function has been disabled for Chin 11 News.