Khampat Ah Nu Pahnih Cu Meithal In An Kah Hna

Kalaymyo peng, Khampat khua ah nu tung pahnih cu meithal in kah hna tiin thawngpang kan theih, An kah mi hna nutung pahnih hi Kalaymyo pituh sizung ah an kal pi hna.

June ni 15 zan, suimilam 9 hrawngah Khampat a hmat 1 i um mi Cing Lawh Nuam le an in pawngnu Vung Ngin Cing cu TV an zoh lio ah innleng in meithal in an van kah hna. An inn hmai ah cycle ai phirh mi minung pahnih an ra i cycle zong cu dir lem loin a hnu lei i a tthu mi pa nih meithal in a kah hna.

Vanchiat vanthat ah an kut lawng ah a khen hna i an nunnak a liam hraw loh. An tak pum hna ah kheng sual hna seh law cu a thih zong an thih phah khawh mi a si nain an kut lawng ah a khen hna caah an nunnak a liam loh tiin thawngpang kan theih.

Meithal a kaptu le a hawipa hi police nih an kawl cuahmah lio hna a si i a tu tiang ah cun an tlai kho rih hna loh tiin Kalay post nih a langh ter. Thawngpang thar a um ah cun kan van update than te lai.

 268 total views,  1 views today

This function has been disabled for Chin 11 News.