Khah Thawngpang Thar Taktak! CNF/A Le Ralkap An I Tong Cang Hih!

CNF/A le Ralkap an i tong lai! Ralkap lei in Duh-Tainghmu hruai mi hna le CNF/A upa hna March 10 ah an i tong lai, tiah kan theih. “Atu hi anmah Ralkap cu an ra lio. Camp ahcun a si lai lo.

Khoika kan i ton lai a fiang rih lo. I ton ding hi Hakha ah an rak ti nain anmah tu an rak ra. Zeibantuk kan ceih lai i anmah Ralkap lei nih zei an chim lai cu kan hngal lo. Asinain kanmah lei nih cun, dai tein CDM a tuah mi hnahnawh lo ding, sakhaan ah hren mi a rannak in chuah ding.

Tlaihkhih le hrem tibantuk tuah lo ding in kan chimh hna lai,” tiah CNF Chimphuannak Nawlngeitu Pu Htet Ni nih The Hakha Times ah a chim. Atu hi Ralkap cu an kal lio a si i zeitik ah, khoika ah an i ton lai ti belte a fiang rih lo. Credit: The Hakha Times

Thawngpang Dang: Rescue Task Force timi phu buainak kong tulio Kawlmi lakah a linsa ngai. Lam zawhmi runvengtu kan si lai, thilri cawknak phaisa kan bawm u an ti i mipi nih ting thongkhat leng an bawmh hna. Naulychi Oo hlutmi belte kha an khirh.

Nain, RTF cu mipi vengtu ding caah dirhmi si loin phaisa kawlnak ca menmen a si diam. Founder cu ralbawi fapa a si i hlutmi phaisa cu amah pumpak leiba chamnak le motor luklak cawknak ah a hman diam ko. Cu vialte cu hacker phu nih RTF page an hack hnu ah theih dih a si.

Hakha zong ah Rescue Task Force an dirh ve i ramdang ummi sin phaisa bawmh an hal ti ka theih. A tha tuk. Bawmh cio ding. Nain phaisa luhnak le phaisa hmannak cazin fiangfai tein a hlutu sin an langhter ve awk a si.

Hakha RTF lutlai pakhat khi ka theihmi a si, har ton lio phaisa bawmh halnak ah a cawlcang kho ngai tawn. Nain, tulio a Myday zoh tikah Hakha um hotel deuh ah caan a hmang, mipi phaisa si hram hlah seh. Credit: Salai Lungthli Tum