A tuzaan August 22 zan lei suimilam 5:00pm hin than tlang khua chung ah ralhrang pawl nih inn kip ah mi an check hna. Na kiangkap ah a um mi hna an um ah cun thawng rak thanh.
an zumh hna lomi minng poh tleihkhih ding an kawl mi a si i pompak nang mah le kei mah kan i ralrin cio a hau. Pawngkam kan hawi le sinah thawngthanh philh hram hna hlah usih!
Nizaan tihni Thantlang kahnak voi 2 kheng te CDF le Ralhrang karah kahnak a chuah hnu hin,Thantlang ah ralhrang an cawlcangh ning a hmanh tilo tiah theih a si. Tihnung in an cawl ahcun pumpak cio nih ralrin thiam le chuahvah lo i zuam hram hna u sih!
Relchap: SAC ralchanh in dohdalnak pawl fak chinchin in tuah a si cang lai caah Yangon khuasa hna nih ralring tein tthutdir ding le NUG ralthawh thawngthanhnak ttha tein ngeih ding in PDF nih forhfialnak an tuah.
Myanmar ramchung PDF bu vialte i fonh in Area 21 timi khuapi raldotu bu an dirh i Yangon mipi timhcia tein um ding in forhfialnak an tuah hi a si. Area 21 bu cu NUG tlangtlaknak tang ah a cawlcangmi khuapi chung raldotu bu a si ti zong an langhter.
“Area 21 chungtel vialte hi NUG he pehtlaihnak ngei in mahle sining cio in a cawlcangmi kan si. NUG nih bawmhnak a kan pekmi a um bang in kanmah tein Fund kan i kawlmi zong a um,” tiah Area 21 hruaitu pakhat nih a chim.
“SAC nih Myanmar ramchung khua kip control ding in an i phakzo lo hmanh ah Yangon le Mandalay hi cu fak khun in tlaih an i zuam lai. Cucahcun, Yangon, Mandalay le Pegu tibantuk khua pawl hi SAC kut an tuar tuk ding kan duh lo,” tiah a chim chap.
SAC ralchanh in khuapi chung dohdalnak pawl PDF nih fak khun in tuah an timh cang caah Yangon khuasa hna nih hliamham a pumi pawl thlopbul ningcang thiam i zuam ding in le SAC ralhrang kut in runvennak ngeih cia ding in forhfialnak zong an tuah.
Yangon khuami hna nih mahle si khawh tawk cio in PDF ralkap pawl bawmhnak pek ding zong in cu forhfialnak ah cun an langhter chih. “Abiapi bik caan kan nai thluahmah cang. Cucaah, Yangon khuami hna nih NUG thawngthanh hngak in PDF ralkap pawl hi nan ti khawhnak lam kip in kan bawm cio u,” tiah PDF hruaitu pakhat nih Myanmar Now ah a chim.The Chin Journal
Leave a Reply