Khah Laimi Kan i Ralrin Taktak A Hau Hi Kong Ahhin!

Corona Virus Ruang Ah Australia Mipi An Thlalau
==============================

Australia ah Crona Virus a ngei mi minung 60 an um. Pert ah minung pakhat a thi. Media nih lau lengmang in thawng a thanh tikah Dawr tlang tlang L D , Coles , Woolworth te hna ah Toilet Peper zong a dih viar.

Cu lawng hlah Australia cozah nih ramleng thillut a kham tikah Asian chuak facang a lut kho ti loh. Cu caah Buh a ei mi Asian miphun poah nih facang kha voikhat cawk ah tun 10 hna an i cawk cia. A tu hi dawr kip ah facang a dih thluahmah. A um chun zong van tong in a man a kai.

Crona Virus nih minung tamtuk sin ah chawleh chawrawlnak le a tuan mi hna ca ahcun maw vanlaw an ti an thil a kal thluahmah caah an mirh.

Mipi bel cu an thinphan tuk caah an ngeih chiah um ek chuah in thil an i cawk cia. Thil nih an kan dih konh viar la ti an phang.

Australia Cozah nih mipi lungthin a hnem hna lio ah mifir khu media cheu khat nih mipi kha thin phang thla lau in an kan tuah.

A zei va si zong ah tutan zawtnak hi a hrik thah khawhnak an hmu kho rih loh. I ralrin cu a tha. USA le Australia ummi nih facang tampi kan i cawk mi hi a leng mi nung nih an kan nih ko lai a si nain Australia le USA hi facang a chuak mi a tlawmtuk a tam deuh cu Asia in a ra mi a si. A cozah nih a ram mi pi humhimnak ah ka tuah a ti le a chung um mi vialte cu uite ek chuak bang an kan tuah viar rawh.

A ho te ram nih khin dek Crona virus sithahnak cu an hei chuah khawh te hnga.

Ref: Chin Broadcasting Network

 327 total views,  1 views today

This function has been disabled for Chin 11 News.