Khah! Kan Ralkap Hna Caah Thlacam Bawmh An Herh Tuk Ee, An I Kap Cuahmah Ko Ee

Khah! Kan Ralkap Hna Caah Thlacam Bawmh An Herh Tuk Ee, An I Kap Cuahmah Ko Ee

Tuhi Hniarlawn khua leiah an i kap cuahmah e,kan ralkap hna caah fakpi in thlacam hna usilaw, mi kong caih loin kan ralkap caah thlacam caan a si .
15 April

Relchap>>>>AA nih a phanmi cu Chin ramkulh in amah zuamcawh khotu hriamtlai bu a chuah kha si. A fawinak cun duhsah in a van tthawng cuahmahmi CNF kha thazaang der deuh sehlaw, pengtlang hriamtlai bu pawl hi CNF tluk deng in an thazaang van tthawng hna seh, CNF bia zong ngai pah hna hlah seh, timi khi si.

Cu caah, amah caah cun pengtlang hriamtlai bu pawl kha bawmh in influence ai tim. AA hruaitu pakhat he bia kan i ruah bal, an ralkap thazaang le khawika hrawng dah an um timi khi (detail) si loin a ka chimh. A langmi cu Chin ramkulh i hriamtlai bu (anmah he neihniam zong khi a telh hna).

AA an dirh kum 14 tlin ahkhan Chin ramkulh in phu (6) nih lawmhpi nak ca an kuat. Cakuat kha a palh ka ti lo. Asinain, an i naihniamnak a lang. AA he naihniam cu a tha. Asinain, kanmah pengtlang tthanchonak lawng kan zoh i, ramkulh huap in kan tuak sual lo ding kha phan a um.

AA le Chin hriamtlai bu hi hmailei pi tiang i komh a har ngai. Paletwa kong ah siseh, ideology ah siseh. AA upa nih Paletwa hi chikkhat lawng hmun kan khuar ti si, nain an ralkap pawl nih kanmah ta ti in an um (hlan ka rian hi Paletwa kong siseh an mipi ruahning ka fiang ngai). Cún, AA hi China he ai naihmi si, CNF le CDFs hi US he ai naihmi Kạn si. Ti le chiti bantuk sau ai cawh kho ding ngai kạn si lo.

Asinain, kanmah zong nih AA kha ‘confront policy’ (ruru hranghrang in doh) kha atu lio cun hman ve ding cu a si lo tiah ka ruat. Cheukhat pengtlang bu nih CNF unh in, AA he an i ttuai. Khatlei cun zeitindah ‘inclusive policy’ [zapi ttantti nak] hi kanmah chungah tha kan chuah deuh lai timi biahalnak cu a chuak ve.
crd: Lian Bawi Thang