Na Pawngkam ah Kahdohnak a Chuah tik ah Zeitindah na Thutdir Lai?
———–
Na pawngkam ah ruah lo piin kahdohnak a chuah tik ah na bawk lai (asiloah) na khup nai bil lai i na kun lai. Na bawh buin pawngkam ah thil cangmi kahdohnak thawngpang tha tein na ngaih lai, na ngiat lai, emergency chuahnak umtu ning tha tein na zoh lai. Na pawngkam ah kahdohnak thawng, bomb le meithal aw a dih tik ah a himnak hmunhma, kahdohnak thawngpang he ai hlatnak hmunhma ah na zam lai.
Kahdohnak a Chuah Sual ah Timhtuah Cia Awk
——–
Thinphang thlalau tuk in um loin thil pakhatkhat a can tik ah lungvar tein na cawlcangh nakhnga lungthin lei in i timtuah cia. Tlikzaamnak hmun/i dornak hmunhma ahlanken in na timhtuah cia lai. Na hmailei ah kahdohnak a um ahcun cuka hmun he ai hlatnak hmun ah tlikzam nai zuam lai.
Raldohnak thawngpang ttha tein ngaih le hlat hnu ah tlangtlatu hna aw-aan tha tein ngaih i tthutdir le umkal ding. Kahdohnak a chuah sual ah Hmatpungttin (ID), Innchungkhar cazin tibantuk abiapimi catlap pawl bag in ttha tein fim cia ding.
Tlikzaamnak hmun ah eidin awk changreu le sau a nguhmi tirawl pawl bag chung ah ttha tein i rawn cia ding. Caan sau i dor nakding ah a tthami hmunhma kawl i zuam a hau. Mahle chungkhar le sangmi hna he pehtlaihnak ngeih khawh zungzal i zuam ding. Cuticun pakhat le pakhat i bawmh khawh a si lai.
Bomb tibantuk in kah a si tawn tik ah i thuhnawh tik ah a bu in i naih tuk in um loin pe 10 i hlat in i thuh ah a ttha bik.[Placement Affairs Thantlang Committe].The Chin journal
Leave a Reply