Khah John Fready Nih A Vun Phomh Than Cang!

Dotu, Soiseltu, thlohtu, um lo Thawngtha le cawnpiaknak cu ( —————- Min ) a um lo hlah maw? — John Fready

Lam 4:13 Ca thiam lo, mi sawhsawh ah an ruahmi hna Peter le Johan an ral òhatning kha an hmuh tikah an khuaruah a har i Jesuh sinah a ummi taktak an si ti kha an hngalh. 14 An damtermi pa, an pawngah a dir komi kha an hmuh tikah soiselnak zeihmanh an hmu fawn lo. 15 Cucaah khawngsil zung cun an chuahter hna hnuah pakhat le pakhat an i ceih, 16 “Hi mi hna hi zeitindah kan tuah hna lai? Mah hna khuaruahhar hmelchunhnak tuahmi hi Jerusalem i a ummi vialte hna sinah a lang cang; kannih zong nih kan al kho fawn hna lo. 17 Sihmanhsehlaw mi sinah a than chin lengmang nakhnga lo, a min aho sin hmanh ah chim ti lo dingin ralrin pe hna u sih,” an ti. 18 Cun an auh òhan hna i Jesuh min in biachim lo ding le cawnpiak ti lo dingin nawl an pek hna. 19 Sihmanhsehlaw Peter le Johan nih cun an thawh hna i, “Pathian bia ngaih deuh loin nanmah bia ngaih tu hi maw Pathian hmuh ah ahmaan deuh ti cu nanmah nih chat ko u; 20 zeitintiah kan hmuhmi le kan theihmi cu chim loin kan um kho lo,” tiah an leh hna.

Pathian Kan zumh a si ah cun, Jesuh Min in

Pathian Kan thangthat si zong ah Jesuh Min in

Thawngtha Kan chim zongah, Jesuh Min in

Baptisma, Tipilnak Kan ing zongah Jesuh Min in,

Mi zaw damnak dingin thla Kan cam zongah Jesuh Min in,

Lawmhnak bia chim le Kan herh mi hal Thlacam zong ah Jesuh Min in

Kan minung hawi thluachuah Kan hampiak hna tik zong ah Jesuh Min in

Mi cung I dawtnak nun Kan langhter tik zong ah Jesuh Min in

Mi dang Kan ngaihthiam hna tik zongah Jesuh Min in

Khuachia thawlnak zongah Jesuh Min in

Thil tha Kan tuah mi paoh paoh ah siseh, thil thalo Kan hrial i Kan kaltak tik zong ah Jesuh Min in

Mi dang Kan cawnpiak hna tik zongah Jesuh Min in

Ca Kan tial i Kan Post tik zongah Jesuh Min in ,

Jesuh Min lo in, zeidah tuah khawhmi le chim khawhmi Kan ngeihmi um?

Hi kongah hin ho tal nih an Kan thloh kho lai maw?

Dohtu cu an um ko lai, Soiseltu zong an um ko lai, Thangchiattu le sersattu zong an um ko lai,
Biatak cu doh a hlawhmi Bawipa Jesuh Min le Cawnpiaknak kha a si caah, An Kan doh lo le an Kan soisel lo le an Kan thangchiatlo ahcun, Jesuh Min in Kan chim lo dara,

Thloh a tong I thloh a hlawhmi Jesuh Min in mi cawnpiak le thawngtha Biatak chim le Tipilnak ing le, thil tha tuah hi, Kan nih nih cun Vawlei cung caan tha Kan hmuh chung paoh cu kan ngol lai lo,

Kol 3:17 Khrih thawngin Pathian sinah lunglawmhnak chim in nan tuahmi paoh ah bia in siseh, tuannak in siseh Bawipa Jesuh min in tuah dih ko u.
Amen.

 441 total views,  1 views today

This function has been disabled for Chin 11 News.