Khabib Nih Teinak A Co Nain A Mitthli He UFC A Chuah Tak Cang

Russia pa UFC vuakthiam Khabib Nurmagomedov le American UFC vuakthiam Justin Gaethje cu October 24 zanah an i thua i Khabib Nurmagomedov nih awl taktak a tei. Khabib hi a hngakchiat tein mithawng a si i a rak i thua lengmang mi a si.

Justin Gaethje zong hi UFC vuleicung ahcun a min a thang bak mi a si nain, Khabib cawlcang kho loin a thut ko. Cuticun, UFC khulhnak chungah cun a tap i amah he a thua mi pa Justin nih cun a va hnemh. Khabib Nurmagomedov cu aho hmanh nih an tei lai lo miropui (legend0 a si a ti.

Khabib Nurmagomedov nih mi thonghthiam, vuakthiam lawngte minung 29 he a thua cang i a tei dih hna. A pa Abdulmanap Nurmagomedov (kum 57) cu July 3, 2020 ah Covid-19 zawtnak ruangah a thi.

A hnu bik a si lai tiah bia a rak i kam, UFC cu ka nunnak ka duhbik mi a si nain ka biakam ruangah ka chuahtak cang lai tiah a mitthli he a chuah tak.

Khabibb Nurmagomedov nih a nu sin ah hihi a hnu bik i ka thuatpi ding a si cang lai tiah bia a rak i kam cang. Ka biakam cu ka zulh ding a si a ti i, UCF cu a chuahtak colh. Mipi nih an lawmhpi tuk nain micheu cu an ngaih a rak chia, An i thuat tti mipa Justin Gaethje zong nih na pa nih an uangtuk lai tiin a thlah ve.