Khabib Nih C.Ronaldo Ruahnak A Rak Cheuh Mi Hi Khuaruah Har Ngai A Si Ve

UFC Lightweight Champion minthang taktak a si mi Khabib Nurmagomedov nih C.Ronaldo hi player tha pakhat a si khawh nak hnga ding ah ruahnak a rak cheuh mi a um i cu ruahnak a rak cheuh mi zong ah a takin a hun tlin khawh caah C.Ronaldo zong nih nihin tiang ah a philh kho ve hrim lo.

Khabib Nurmagomedov le C.Ronaldo hi neihniam tein a um mi hawikom tha an si pinah Khabib Nurmagomedov nih C.Ronaldo hi a minthat mi laksawng zong a rak pek cang mi a si. Cun 2018 kum lio zong ah khan Khabib Nurmagomedov nih C.Ronaldo fapa upa bik zong hi a raktlawn cang i laksawng zong a rak pek ve bal rih cang.

Russia ram mi Khabib Nurmagomedov hi Global Fighting Champoinship puai ah media pawl nih interview an tuah. Cu interview ah cun C.Ronaldo kong an hal chih caah lentecelh tu pakhat a si mi nih zeibantuk lungthin le ziaza dah kan ngeih awk a si ti mi kong he pehtlai in C.Ronaldo hi ruahnak ka rak cheuh cang mi a si tiah a chim.

Khabib Nurmagomedov nih a chim mi cu “na ngeih mi thazaang dihlak le na thawnnak vialte hmang in lente na celh tikah teinak laksawng na hmuh lai teah chuahtak le ngol tak hi cu thil har ngai a si ko lai. Lentecelh tu pakhat a si mi nih ai dinh le dinhlo kha biapi a si lo, dinh caan na phak lio teah na dinh lo a si ah cun bawlung nih an dinh taak caan a phan te lai. Caan tha na ngeih lio teah bawlung chuih hi dinhtak ko cang thangthar mino nih zohchia in an i tei hlan ah hin na minthan nak le na sining hi upat zia na thiam ah cun vawlei pi nih an philh lai lo” tiah C.Ronaldo hi ruahnak ka pek mi a si tiah Khabib Nurmagomedov nih cun a chim.

 173 total views,  1 views today

This function has been disabled for Chin 11 News.