NUG cozah nih rampum huap in ralthawh ding thawng an thanh tlawmpal ah Meiktila le Magwa y ramthen um mi ralhrang sakhaan in raltuknak vanlawng pawl cu an chuak tiah theih a si. Mah thawngpang hi DVB nih an tar colh.
Thawng an thanh in minutes 15 hrawng a rauh ah van lawng aw thawng a thang colh tiah theih a si. zeidah tuah an timh timi cu theih a si lo. Emergency in thawngthanhnak an tuah caah mipi a chuakvak mi an um hna lo tiah theih a si. Ralkap hmun hma khuarnak a si caah a him lo i motor chuakvak mi zonga um lo tiah tualchung Meitila minung hna nih an chim.
NUG nih ralthawh ding an thanh bakin Magway ramthem Airforce vanlawng pawl cu an chuak colh tiah tualchung ralkap sakhaan he a neih nak minung pawl nih an chim. Cu hlan zongah van lawng hi an zuang lengmang nain tuzing cu voikhat ah 20 leng an chuak i a tu zong hi a chuak colh dingmi an tampi rih tiah an chim.
Relchap:Taiwan nih nuclear cahnak a hman in bomb thlak nak China raltuk vanlawng 19 cu Taiwan nitlak thlanglei ah a lut tiah a thanh.
Taiwan ministry of National Defence nih cathanh a chuahnak ah China raltuk vanlawng 19 cu an ram chungah a lut. Nuclear bomb a keng khi mi vanlawng hna hi Taiwan nih defence identification zone (ADIZ) tiah an ri an khiahmi chungah a lut mi a si tiah a langhter.
Nizaan September 6 ah Taiwan ah a lut mi China air force ah nuclear a phor kho mi H-6 bomber 4 le anti-submarine air craft a tel tiah Taiwan defence ministry nih a chim.
ADIZ hi national airspace a si i, ram venhimnak caah ramdang vanlawng hna cu zohfel tawn an si.Taiwan nih China vanlawng hna an luhnak map hna a chuah pin ah China vanlawng hna ralrinnak pek dingin combat aircraft hna cu a fial cawlh ve. Hi kong he pehtlaih in China nih zeihmanh cathanhnak a tuah lo.China nih Taiwan hi an ramchungah a rel chih mi a si i, Taiwan nih mah hi a duh lo ngai mi a si.
China nih ralkap vanlawng hna cu Taiwan ramchungah hin voi zeimawzat a fial cang hna. June thla ah hin raltuknak vanlawng 28 cu ADIZ ahhin a rak fial cang.January thla zong ah vanlawng 15 le April thla ah vanlawng 25 an lut cang tiah Taiwan nih a ti.
China le Taiwan hi 1940 hrawngah ramchung i dohnak ruangah then a si hnuah Taiwan nih anmah phunghram dang tein a uk mi an sinain, China cozah nih Taiwan cu a si khawhnak lam in lak than a timh peng mi a si. Ref; Aljazeera
Leave a Reply