Nizaan September 11 ahkhan ralhrang Zaw Min Tun nih Mytel tower tung pawl hrawh piak an tonmi kong ah a thinhunnak kong bia cu thawngla hna sinah a rak chim. Zaw Min Tun nih Mytel tower tung an hrawkmi pawl kongah ralhrang nih kan tlaih hna ahcun thih dantatnak kan pek hna lai tiah nizaan zaanlei 3pm ahkhan a rak chim hi a si.
Ralhrang Zaw Min Tun nihcun “kan ngaih thiam lengmang hna nain an thiltuah mi nih ram rawhnak lei a panh ter chin. Hi kongah kan bogyoke gyi zong nih a rak chim cang. Hibantuk in PDF nih an tuah rih ahcun an chungkhar tiang phunghram thar ser in kan tlaih hna lai i kum sau thong kan thlak hna lai” tiah a chim.
Ralhrang Zaw Min Tun chimmi ahhin mipi sawhsawh hi a ruang umlo in an tlaih hna pinah an chungkhar ai ah an tlaih mi hna zong an tam tuk cang i a niambik le a chiakha bik thil a tuahlo mi a um tilo.
A Chimmi lakah mihrut pical a langhnak le ralhrang bia pakhat a tlinhnak cu PDF ruangah sualnak a ngeilo mi kanmah ralhrang pawl kan thi lengmang tiah a chimmi hi a si. PDF thawng nan theih ahcun thawng kan thanh uh tiah a rak chim chih rih. PDF tu nihcun pehtlai in Mytel tung kan hrawh rihlai tiah an chim ve i hibantuk an tuahmi hi a niambik teirul chamnak lawng asi tiah an rak langhter. Source:Bagowatch
Leave a Reply