Ralkap nih laimi cu i zoh uh nan theih lai tiah an ti hna nak a ruang cu Cinta khua ah dalaan pakhat september 8 ah an thah i cu hnu cun cinta khua pakhat nih laimi i zoh uh nan umnak hmun hi kan in khang dih hna lai tiah a hro hna.
Caan tlawmpal a rauh hlan ah ralkap minung tampi cu an phan taktak i laimi umnak inn poh an hrawh dih i an khangh piak dih hna. ziah hihi nan khangh tiah an hal hna tikah dalaan an si tiah an chim.
Laimi ruangah Cinta khuami pakhat dalaan an thah ruangah mah hihi a cang ko tiah khuami pakhat nih a chim. Laimi cu i zoh uh na cei tuk lai tiah ralkap lei tang pakhat nih a chim. ralkap khuachung an hung luh ah hin khuami cu kan zaam dih nain tar le a zaam kho lomi lawng an um hna tiah khuami pakhat nih a chim.
Inn an khangh mi le ralkap cawlcangh ning zoh ah laimi hi report tu kan nei i kawlram chungah siseh laitlang ah siseh kan tuar nak hi a si men kho tiah khuami pakhat nih a chim. laimi hi kan lung a rual ko nain kawl nih laimi hi ralkap sinah an kan ri port i an kan ral khun nak a si ko lai.
Relchap:
Myiang ah Ni 3 pehzulh in kahdoh nak a um caah ralhrang lei a thi mi an tam; Sagaing ramthen, Myiang peng chungah September 8 thok in kahdoh nak voi 5 a um i ralhrang lei in a thi mi an tam tiah PDF lei nih an chim.
Sagaing ramthen le Magwe ramthen a peh nak ah myiang peng a kiang um Myint Sone(ျမစ္ဆုံ), Kyauk Yit(ေက်ာက္ရစ္), Shwe Hlan (ေရႊလွံ) khua hna ah kahdoh nak um i ralhrang lei in 22 an thi i ahliam mi an tam tiah kahdoh nak hmun a tel ve mi pakhat nih a chim.
September 10 zanlei a cang mi a voi 5 nak kahdoh nak cu Kyauk Yit (ေက်ာက္ရစ္)khua pawng ah a si .Suimilam 2 chung kan i kap i ralhrang lei in bawm tu an rak phan caah hnu kan kir than, PDF pakhat a ban le a paw ah a hliam i a nun nk caah thinphan ding um lo tiah kah doh nak chung ah a tel mi pakhat nih achim.
September 8 zing ah Myint Sone pawng ah kaohnih kah doh nak kan thok i a pawngkam khua si mi Kyauk Yit khua palek sakhan cu PDF nih kan kah. Sakhan hmu tel mi palek he a pehylai mi 3 cu CDM ah kan lut lai n ti caah PDF nih kan bawmh hna tiah a chim.Mah ni kahdoh nak ah cun ralhrang lei in minung 13 hrawng an thi tih a chim.
September 9 ah Magwe lei in ralhrang bawm tu mawtaw a rak ra i Shwe Hlan khua pawng ah bomb in kan puah hna i minung 7 an thi a tlawm bik minung 4 an hliam tiah a chim. Mah kahdoh nak kong he peh tlai in ralhrang lei nih thawngthanh nak zei hmanh an tuah rih lo.#Myanmar Now
Leave a Reply