Kawlram Tuanbia Ah A Um Bello Mi Chin Ralkap Nih An Tuah, US Ralkap Nak In Chin Ralkap An Thiam Deuh, An Ral A Tha Deuh
Tutan ah Chinralkap nih an tuah mi cu Vuleicung tuanbia ah a um bello mi a si lai dah! Khuaruah har a si mi cu kum 70 a fek thuk cang mi ralhrang ral a tu mi hna hi tunai te a dotu chinral ka nih an motor le an thilri an hriamnam vialte Drne in an thuat dih hna i minung 100 leng an thah hna pinah Minung 50 hrawng hliam an tuar chih. A nung dam mi ralhrang hi 40-50 karlak hrawng lawng an si tiah a hmun ah a um mi bak nih a chim.
Kawlram tuanbia zoh hna usih law hi bantuk hi pakhat hmanh mun ding a um lo. An i kap i lampi ah bomb an puah hnawh hna i minung tampi an thi ti cu kan theih nain, Ralhrang raltuk thiamthiam motor 30 i ,kal i pakhat hmanh him loin an ven khawh lomi, cu lawng si loin anma hmanh hitluk tam an thih hi khuaruah har taktak a si.
US ralkap hmanh nih tutan kan chin ralkap nih an tuah mi thil hi an tuah kho lai lo. Kawlram chung kum 70 ralkap a do cang mi nih a ho hmanh nih an tuah kho lomi cu tutan ah Chin ralkap nih an tuah ko hi cu lung a hmui taktak. Kan chin mipi le kan chin ralkap Pathian nih in veng hram ko hna law… Kan tei hrimhrim lai SAC ralhrang uknak hi kan tei hlan lo kan doh hna…. Mipi nan lei ah kan ttag peng ko Kaalawm.. Crd.. Pa Biak Kl
Rechap>>>>Hakha, Cawbuk sang datsi dawr ah datsi a um ti lo i, cawk ding zong a um ti lo. Gangaw lam a awn rih lo caah Hakha ah datsi a har, tiah theih a si.
Nihin April 15 zinglei sang in Hakha Cawbuk sang datsi dawr vialte ah datsi a dih cang. Cawk ding zei hmanh a um ti lo, a ruang cu Gangaw lei in lam a pit dih i datsi a phan kho ti lo. Duh poh in datsi cawk a ngah lo, tiah tualchung mi pakhat nih a chim.
Nihin zing suimilam 10:00 ah datsi cawk dingin ka kal i, dawr vialte an rak khar dih cang. Gangaw lam a pit i Gangaw in Aika khua lei lawng in lam a awng. Datsi phortu an um lo ruangah dawr vialte an khar dih, tiah a chim chap.
Hakha ah datsi thawl khat kyats 5,000 a phan i Gallon khat ah kyats 18,000 a si. Cheukhat dawr ahcun Gallon khat ah kyats 20,000 an hauh, tiah theih a si.
Gangaw lam a pit i, Aika khua lei lawng in lam a awn ruangah datsi zong duh poh in an phor kho lo. Aika lei cu lam caan a sau ruangah datsi man zong a kai tuk. Nihin zong zinglei suimilam 10:00 ah cun dawr kan khar dih cang hna.
Hmaizarh April 17 lawng ah datsi a rak phan ṭhan te lai, tiah datsi a zuartu pakhat nih a chim.
SAC nih nawlngeihnak an lak hnu in Hakha ah datsi man a kai i, Gallon khat ah kyats 13,000 in nihin April 15 tiang ah kyats 18,000 a phan, tiah theih a si.Crd… TCP
Leave a Reply