Kawlram SAC Ralhrang Ruakl Nih Hriamnam An Ser Mi Cu Russia Nih A Cawk Lai

Kawlram SAC Ralhrang Ruakl Nih Hriamnam An Ser Mi Cu Russia Nih A Cawk Lai

SAC Serchuah Hriamthil Russia Nih A Cawk Lai

Hramhram in uknak a latu SAC kuttang um runvennak thil sernak seh-inn nih a ser chuahmi hriamthil le kuanfang hna cu Russia nih a cawk lai tiah Naypyidaw ralkap kong thawngthanhnak hrampi nih a langhter.

SAC kuttang um runvennak thil sernak seh-inn nih a ser chuahmi hriamngan kuan, meithal le kuanfang hna cu a bik in a cawk lai. SAC nih a ser chuahmi hriamthil cawk ding ah Russia in ralkap lei aiawhtu hna cu Myanmar ah ra in i hawikomhnak an ngei tiah theih a si.

A luancia 2022, November 28 in December 2 tiang Russia ram in Colonel – General Kim Alexey Rostislavovich le a rianṭuan hawi hna cu Naypyidaw ah ra in SAC serchuah hriamthil cawk ding kong ah biaruahnak an rak ngei bal cang tiah theih a si.
Khit Thit Media

Relchap<>>>>>Myanmar Mi Malaysia Ah A Zuarthlai Tu Lubik Thailand Palik Nih An Tlaih
===========
2023|Vaute 9| Thailand ram in Malaysia ram ah Myanmar riantuan mi hna a zuarthlai tu lutlai bik cu Thailand palik nih an tlaih tiah Bangkok Post nih March 9 ah a langhter.

Che Mai (kum 53) timi nu cu Thailand ram khua pakhat ah Immigration tuanvo ngeitu hna nih March 7 ah an tlaih hi a si.

An tlaih mi nu hi chawlehthal nak Company pakhat ah Manager pakhat zong a si i Thailand-Malaysia ramri um puaisa pawl he i pehtlai in Thailand ram ah riantuan mi Myanmar mi hna cu Malaysia ah zuarthlai nak an tuah hna hi a si.

Tlaih a tong mi nu cu Thailand palik nih minung zuarthlainak a hmuh (case) phun 7 in taza an cuai. Mah pin ah pumpak a Bank Account ah Thailand tangka (Baht) nuai 21 an hmuhchuah tiah Bangkok Post nih a langhter.

America ram Foreign Affair Department nih 2022 kum July thla ah Mizuarthlai nak kong a langhter ning ah Myanmar ram cu a zual bik ram 3 nak ah a um tiah a langhter. (ref; Myanmar Now)