Kawlram Ramkomh Cozah Nih Innchungkhar Pakhat Cio Ah Thil Phun(5) Le Electric Mei Man A Lak in A Bawmh Lai

Salai Bawi Lian Sang| TCP-Kalay| 2020, April 7| Kawlram Ramkomh Cozah Nih April chung, Kawlram titoih puai can karlak ah tangka hmuhnak ngeilo zapi zaran caah innchungkhar pakhat ah facang pi 8, Chiti cuai tan, Cite cuai tan, Pe cuai tan, Khachuan cuaikhat le Electric mei tha (150)unit telh in thil phun(5) hna cu April thla ni (10) in April thla dih tiang a lak(free) in bawmh ding ah COVID-19 runvennak rampi huap lei tuanvo ngeitu commitee nih April 6, 2020 ah thawng an thanh.

Cun mahbantuk phawtzamh tik ah thilri vaivuanh lo le eihmurnak a um hnga lo ding ah ramthen cozah hruainak in min cazin laknak, thilri funnak, thilri kuatnak ding le phorhzamh ding rian cu tuanvo ngei cozah zungkip, Chawlehchawhrawl lutlaibik bu (UMFCCI) le Khuanu/khuapa bu(CSOs), bukip vialte komh in bawmhnak thilri cu mipi kutchung pek in phawtzamhnak tuanvo an lak lai. Cun Ramchung mipi biaknak bu kip le ramchung zatlang bu (U.N le ramkip he aa pehltaimi bu vial te relhlo)le ramchung um inn ca lawng ah hman mi electric mei units 150 cu April thla dih tiang alak tein hmannak nawl an ngei lai tiah thawng an thanh.

 293 total views,  1 views today

This function has been disabled for Chin 11 News.