Kawlram Pha-Te-Mah Pawl An Ihphah Tom He An Tlaih Dih Hna

Hi tluk in Kawlram chung ah Pulrai zawtnak a karh i thinphang in um a si lio ah nuamsup in taangka a rak kawl ve mi hna le an puaisa pawl cu nizan ah khan police nih an tlaih hna. Nizan August 25 ah khan pha-te-mah pawl cu an ihphah tom le an thilpuan he Taung Ngau palek pawl nih kan thlaih hna tiah thawngthanh nak an tuah.

Taung Ngau myoh chung ah a um mi U Sai Aung Win@ Ko Shan le U Mae Aung i an inn chung ah pha-te-mah pawl an um ko tiah palek sinah thawngthanh nak a um caah Taung Ngau palek pawl hna le thawngthanh nak a tuah tu hna pawl cu an kal cawlh hna i inn chung ah cun pha-te-mah pawl cu anmah le an room cio ah an ihphah te he an rak um cio ko cu an hmuh hna caah an tlaih cawlh dih hna hi a si.

Hi an tlaih mi hna hi pha-te-mah a tuan mi nungak muidawh tete minung 6, cun order a rak tuah mi an um caan ah patung le patlawi pawl adong tu le a thlah tu hna mawtaw mong minung pahnih le pa he an ihlai ah ah an takkholh nak chaphiat pawl vialte le an ihnak ihphah tom vialte zong tling tein an tlaih dih hna hi a si.

Mah pha-te-mah pawl an umnak inn hi voitam ngai report an tuah cang mi a si nain palek pawl nih an rak tlai kho bal hna lo, asinain nizan ah khan cun inn ngeitu tuanvo ngei minung 2 le mawtaw mong minung 2 talh chih in pha-te-mah a tuan bak mi nungak muidawh tete minung 6 zong cu an i zuar nak an thuam thil vialte he an tlaih dih hna hi a si.

Hi an tlaih mi hna hi Taung Ngau palek sakhan ah an hren hna i ahmuh phonh piak zong an si lai tiah an langhter.

Source: TawThu AlinnMyay News

 184 total views,  1 views today

This function has been disabled for Chin 11 News.