Kawlram Palek Minung 70 Hrawng Lakhruak In Quarantine Ah Chiah Dih An Si

Kaw-Ka-Rat myohne ah a um mi Kawlram palek pawl tin-ttan (training) an tuah nak hmun ah palek minung pakhat sinin Covid-19 positve an hmuh caah tin-ttan a kai mi minung 70 hrawng hi lakhruak ngai in Quarantine ah an luhter dih hna tiah thawngzamh nih an langhter.

Ka-Yin ramthen Kaw-Ka-Rat pengkulh ah palek bawi pawl special training a kai mi hna chung in minung 24 hi nizan October 8 ah khan RDT test an tuah hna hnuah minung pakhat hi positive an hmuh caah tin-ttan a kai mi vialte zong Quarantine ah an chiah hna nak hi a si.

Cun tin-ttan chung ah rawlchum pawl le tin-ttan saya vialte hna zong Quarantine a dang tein chiah an si ve lai pinah anmah tin-ttan a kai mi palek pawl he Contact persons vialte hna zong hlathlai nain check up nak tha tein tuah cawlh an si ve lai tiah an langhter fawn.

Kaw-Ka-Rat myoh chung ah palek pawl tin-ttan a kai mi hna hi November 8 i Kawlram pumpi election ah duty ding in training pek cuahmah mi hna zong an si nain anmah lakah Covid-19 positive pakhat an hmuh caah tin-ttan zong zong cu an dihter chung rih lai tiah theih a si.