A Caan A Um Lio Ah Kawlram Mipi Bawmh a Herh! Kawlram nuhrin covo lei hlathlaitu UN palai Thomas H. Andrews nih nizaan ah UN sin report a pek nak ah ramdang hna nih NUG he i bawm in Kawlram mipi hna cu bawmh an herh tiah a chim.
Kawlram mipi hna cu an ram chanh dingah an i zuam lio pi a si. Caan a liam hlan ah kan bawmh hna a herh. Kawlram mipi caah Emergency Coalitioin for the People of Myanmar kan fonh a herh cang tiin vawlei cung ram hna cu a nawl hna.
A chimnak ah ram cheukhat nih Kawlram mipi hna cu bawmh an duh ko hna nain an i sum khawh tuk caah atu bantukin ka nawl mi a si. A fek mi le tuanti nak a tha lo tuk mi vawlei cung ram hna ruangah a luancia mi thla 5 chungah Kawlram ah zeitluk thil thalo dah a cang ti cu zapi theih a si.
Atu bantukin a kal rih a si ahcun Kawlram mipi hna dirhmun cu a chia chinchin te lai. Kawlram mipi a dirhkam duhmi ram hna nih sullam a ngei mi le i funtonnak tha deuhin kan tuah a herh. Mah lawngah ralhrangbu nih mipi cung ah a cawlcanghnak zong a zorter khawh lai.
Ralhrangbu nih minung covo a buarnak cu mipi zapi cungah sualnak a tlinh caah NUG nih ICC ah minthut in ralhrangbu cu tazacuai a timh lio a si. Vawlei cung ram hna zong nih ralhrangbu phaisa hmuhnak lam vialte phih piak a herh.
Hriamnam zuarh lo ding le an thil sual tuahmi vialte zong tha tein fact kawl le ralhrangbu cu a cozah pakhat ah cohlan lo dingin a nawl hna. # rise news/ The Chin Post
Leave a Reply