Kawlram Hi Cu Thawngpang Tha Pakhat Hmanh A Um Lo Ee: Hngakchia Minung 9 Tiva Ah Ah An Tla

Kawlram Hi Cu Thawngpang Tha Pakhat Hmanh A Um Lo Ee: Hngakchia Minung 9 Tiva Ah Ah An Tla

Ayeyarwady Tiva Ah Aa Kholhmi Ngakchia 9 Chung Ah 1 Nunnak Liam, A Dang 4 An Tlau

Magway ramṭhen, Yenanchaung peng Nyaunghla tikam in Ayeyarwady tiva chung ah takkholh aa timmi ngakchia 4 chung ah pakhat cu a ruak in kan hmuh tiah mi bawmchantu phu hna sin in theih a si.

Nyaunghla tikam ah March ni 6, zanlei ah kun 16 ngakchia pakhat telh in ngakchia 9 cu tiva chung ah ṭum in ti an i kholh, cu ah cun a cheu cu ti an paam.
Ti paam mi ngakchia hna cu hmuh cangka in bawmhchanh an si manh nain minung 4 cu an tlau tiah theih a si.

A tlau mi ngakchia hna cu an kawl ṭhan hna hnu nihin March ni 7, zinglei suimilam 11:00 hrawng ah ngakchia pakhat cu a ruak in kan hmuh tiah mi bawmtu phu chungtel pakhat nih a chim.

A dang hmuh rihlo mi kum 4, kum 5 le kum 16 ngakchia 3 cu Yenanchaung peng meithat zung rianṭuantu hna le mi bawmchantu phu i bawm in an kawl cuahmah lio hna tiah theih a si.
People’s Spring