Kawlram Covid-19 Zawtnak Tlamtling Taktak In Langhternak!

1. Kawlram ah COVID-19 a tam nak bik hi Yangon ram tthen asi i cu lakah Mingalardon (Kanmah umnak) hi a karh biknak atu lio ahcun asi. Mingaladon zong ahcun ralkap chungkhar lakah hmuh bik asi. Cun, Shwenatha veng ah asi tthan.

2. September thla hnu zawtnak biatakten a karh hnu in Kawlram economy (sipuazi) cu a let hra in a tu lio ah a tla tiah news pakhat nihcun a ttial.

3. Cozah siangin tampi hi quarantine tuahnaak caah an hman hna. Quarantine ummi minung an tam tuk ca ah kan cozah hi a re thei ngai cang i zing/zan ei le din kong ah an buai ngai cang. Kan cozah zonghi bawmhchanh a herh taktak lio te asi. Inn lam nai deuh nihcun chungkhat nih rawl chanh a si ko nain rawlchantu ngei lo le rawlchan kho lo an tam caah cucu cozah nih mawh a phurh dih. Asinain Kawl Buddhist cheukhat cu quarantine center pawl ah rawl an hlu kho ngaingai.

4. Hi zawtnak outbreak asi ruang ah hin chawkawlnaak (economy) cu a tla cio ko nain tourism (khualtlawnnaak) lei i rian a ttuanmi hna hi an rian a dih bak khan khi asi.

5. Inn hlang chom i dawr a tuahmi tampi cu an hmuhmi le an in hlan man kha ai tlaak ti lo. Cucaah dawr tampi cu khar an i tim cang.

6. Rian har ruang ah nu tampi cu Thailand ah a thil in an kal, Thailand zongah rian a um lo caah hmuhmi rian poh an ttuan hna. A tam deuh cu tak-hmehnak (massage) hna ah an ttuan i acheu cu an vai zuar pah caah Thai palik nih an tlaih hna tiah nai ah khan RFA nih a chm.

7. Atu lio hrawng cu nikhat ah 1300 in 1550 karlak hrawng zawtnaak thar hmuhmi an si ngawt i 23 le 30 kar hrawng minung an thi peng ngawt. A thimi hi zunthlun, thikai, lung zawtnaak le cuap lei zawtnaak a ngei ciami an si ngawt. Catialtu: Saya Aung Myint Thang