Kawlram Covid-19 Zawtnak I Dam Mi Nu Pitar Kum 100 Nu nih Ralpi 2 Lio Nak In Tihnung Deuh Tiah A chim

Kawlram chung i Covid-19 i a dam lo mi kum upa bik cu Oct 8,2020 ah a dam cang i Siizung a chuah tak. Pitar Daw Thein Khin cu kum 100 mi a si i a tupa sin in hi zawtnak hi a chawnh mi a si. Insein Township Hpot Kaan i a um mi a si.

An rak Quarantine mi a si i, September 23 ah a positive tiah an chim. cu hnu cun Yama Hosopital ah Tranfer a si i an zohkhenh hnuahh October 8 ah dam tein Siizung a chuah tak tiah theih a si.

Kum 100 a tling cang i kawlram chung i Covid-19 i zaw mi ah cun upa bik a si. A taksa ah zawtnak hrik an hmuh ti lo caah inn te ah an lawi ter. An chungkhar mi minung 10 an si i, an chungkhar in an zaw viar nain a tu hi cu an chung tein an dam viar cang tiah an chim. hi zawtnak hi kan nei nolh sual lai ti an phang caah an chuak vak ngam lo tiah an chim.

Daw Thein Khin nih hin a mah zawtnak in a chung le a thin a phang piak deuh hna. hi zawtnak hi tih a nung tuk tiah a chim. vuleicung hmun dangdang an tih nak kong cu an chim tawn,asinain hi zawtnak hi Ralpi 2 nak lio nak in tihnung deuh tiah a chim.


Hi zawtnak hi zeihmanh ah ka rel lo, ka tuu lr hrang tuah ka thinphang a ti. Kei cu ka tar cang ko i thih cu zeihmanh ah ka rel lo a ti. Covid -19 a nei mi cu a hartuk lai i an kio au lai tiah ka ruah nain ka dam cak i zeihmanh ah ka rel lo. rawl zong ka ei kho. keimah tein ka kholh kho lam zong ka leng kho i ti.{video}