Kawlram Chungah Tanghra Result Tthatcem Nak Cu Mandalay A si I, A Chia Bik Pahnih Nak Ah Chinram Cu Kan Um

2019-2020 kawlram tanghra awng cazin tuzing August 9 ah a chuak. online in chuah a si i htt://www.moe.gov.mm le https:// www.myanmarexam.org ah an tar.

Kawlram pumpi ah tanghra phi mi hi minung 910,229 an si i a awngmi zate hi 291,798 an hna i zatuak 32.06% hi an awng tinak a si.

A awng mi lak ah a thiamhlei mi (distinction) a hmu mi hi 61,375 an um i, cu lak ah subject 6 distinction (kungthu) hmutu hi 797 an si. Hi kungthu hmutu hi 797 lakah hin Mandalay an tambik i minung 345 an um tiah theih a si.

Mandalay hi a awngmi lakah 37.51 zatuak in kawlram chungah a awng an tambik.

Kawlram pumpi huap in Subject 5 kungthu hmu mi hi 1830, subject 4 hmumi hi 2976, subject 3 hmumi hi 5662, subject 2 hmumi hi 12957 le subject 1 hmumi hi 37152 an si.

 

 

Laitlang ah tanghra phi mi hi 12370 an si i, a awngmi hi 2623 lawng an si caah a phi mi zatuak 21.20% in an awng caah sungh awng chiabik pahnih nak ah kan um.

Laitlang ah subject 6D hmu mi an um lo i Subject 5D hmumi 2 , subject 4D hmumi 6, subject 3D hmu mi 19, subject 2D hmumi 89, subject 1D hmumi 403 an um ve.

Sungh awng chiabik nak hi Shanram nichuh (Eastern Shan State) an si i zatuk 20.89% lawng an awng.

 54 total views,  1 views today

This function has been disabled for Chin 11 News.