NUG nih ramchung ral kan tu cang lai tiah thawng a thanh bak in ralchung palek le ralkap nih CDM an tuah i nikhat chung ah minung 200 leng nih CDM an rak tuah. Caan a van rau deuh i ni 6 a liam hi chungah hin palek minung 500 leng nih CDM an tuah tiah theih a si. Ralkap le Palek a zaam mi le CDM a tuah mi chungah hin ralbawi tamtuk an i tel i palek bawi ngan pipi an i tel tiah theih a si.
Mandalay khuapi chung le ramkulh chungah CDM a tuah mi hna hmanh hi minung 200 leng an si lai tiah zumh a si cang. NUG thawngthanh ni ah palek 120 nih CDM an tuah tiah theih a si. Kanmah chinram chung te lawng hmanh ah palek minung 100 leng nih CDM an tuah i an rian an chuaktak cang tiah theih a si…Cre..Kyaw Myo Zaw
NUG nih ralthawh ding a thanh bak in Ralhrang chungah zaam a duh mi an tam tuk tiah theih a si i, ralkap zaam dingin min a pe mi an tamtuk caah an buai ngai tiah theih a si. NUG nih a thanh bak in ralkap zaam a duh mi mipi lei ttang an karh tuk tiah theih a si.
Ralkap in zaam a duh mi hna cu an tamtuk caah cazin tuah tu an buai ngai hna tiah theih a si. Ministry of Defence – National Unity Government of Myanmar he riantuan tu ပြည်သူ့ရင်ခွင် team i riantuantu le tuanvo ngeitu pakhat a simi Captain zero nih a chim. Ralkap zaam duh mi an tamtuk i dalaan tampi an um ko lai tiah tawlreltu pawl an lung a hring.
Rampum ralkap hi zaam a duh mi an tamtuk nain an chungkhar kong ruah ah zaam kho ding dirhmun ah an dir lo i an zaam ngam hna lo. Ralkap micheu lebang cu an ralkap chung sining pawl cu ပြည်သူ့ရင်ခွင် team he pehtlaihnak an nei peng tiah theih a si.
ပြည်သူ့ရင်ခွင် team cu ralbawi CDM luttu hna nih an dirh mi bu a si i NUG cozah zong he riantuan tti mi an si i NUG theihpi nak in ralkap zaam mi pawl a tawlrel cuahmah tu bu an si. Mah a kan pehtlai tu hna hi ralkap dalaan tampi zawng an um kho cu caah kan nih zong hi dothlennak caah hmalak dingin kan i ready tiah Camptain zero nih cun a ti.Falam online media
Leave a Reply