Kawlram khuapi bik pahnih Yangon le Mandalay ah bomb puah le kahnak a chuak lengmang cang. Ralkap thazaang a tam bak nak hmun a si ko nain Ralhrang umnak pawngkam bak ah bomb a puak lengmang cang i, ralhrang pawl nih khuachung ummi minung cu ralrin an pek hna.
Yangon ramthen ah tampi dalaan an thah hna i, a hmun kip tiawk in tuthla chung bak ah bomb a puak lengmang. bomb a puah tu minung hi an tlai kho hna lo a ho an si zong an theih kho rih hna lo. Insein thonginn pawng tiangah bomb an va puah hnawh hna.
Khuapi a cian bak nak hmun hi Mandalay a si ko lai tiah an zumh. voikhat bak ah ralhrang umnak palek sakhaan hmun hma pathum ah bomb a puak. sipin zung tiangah bomba puak chih tiah theih a si.
Ralhrang pawl an i ralring tuk pin ah a hmun kip tiawk in hmun hma an la ko nain, a cawl cang mi mino nih bomb an puah hnawh peng hna caah thinpang ngai in an um. A tulio hrawngah khuapi an thuat lengmang nak hi Yangon le Mandalay a si.
Khuapi pakhat a si ve mi ralkap thazaang a tam bak nak hmun Monywa zong bomb in an thuat lengmang hna i, ralring tein ralhrang nih hmun hma an lak ko bi ah an khuapi laifang bak ah bomb a puak than i PDF mino hna cawlcanghnak hi tihnung lei a si cang.
Leave a Reply