Ramchungah kahnak le thihnak a tamtuk cang caah NUG nih biatak tein kan cawlcang cang lai mipi an tuarnak hi kan zoh kho tilo tiah an chim. Ralhrang nih le hmun kip ah tlangcung hriamtlai pawl cu an fuh hna i, an i kap peng.
Ralhrang an sungh nak deuh poh ah ralkap tyhazaang tam khawh chung tam in an chap cuahmah cang.KNLA umnak le KNU umnak pawl, Myitkyina KIA umnak hrawng khuapi deuh ah cun ralhrang thazaang an chap cuahmah cang hna.
Kanmah chinram kulh Mindat lawng hmanh ah ralhrang thazaang hi minung 1000 leng an si cang, ralkap thazaang an chap cuahmah hna i, a tu lio cu hmun kip tiawk in raltuknak le kahnak hi a peh cuahmah cang Tiah RFA ah biachimtu Ralbawi pakhat nih a chim.
Kahnak hi kan duh ruangah a chuak si loin a herh caah kan i kah khi a si ko tiah a chim. A ruang cu ralkap nih an umnak hmun kip ah an fuh hna caah kah lo awk a that lo caah kan kah mi hna hi an si tiah a chim. Kanmah nih an umnak ah va kal hnawh in kan tu hna lo , kanmah kan umnak cia ah an ra i an kan tuk caah a si ko tiah a chim.
A tu cu tlawngcung hriamtlai pawl zei mawzat cu kan i manh ko cang i, PDf pawl tampi an i manh cang caah raltuknak hi zeitik poh ah thanh hna sehlaw kan i manh cang ko tiah a chim.
Leave a Reply