Kawlram Chung Kahdohnak Hi A Zual I Ral Hmun A Tam Chin Lengmang, Kahdohnak Zat A Chuak Mi Rak Zoh Ve

SAC Ralkap Nih Uknak A Lak Thla 21 Chungah Ram Pumpi Huap In Kahdohnak Voi 7800 Leng A Cang

Myanmar ram ah a luancia 2021, February 1 in 2022, November 15 tiang SAC ralkap nih hramhram uknak a lak thla 21 chung ah kahdohnak voi 7855 nak tlawmlo a cang tiah ISP Myanmar nih November 23 ah cathanh an chuah tiah theih a si.

Kayin ramkulh ah kahdohnak voi 4394, Sagaing ramṭhen ah voi 919, Kaya ramkulh ah voi 339, Shan ramkulh ah voi 291, Magway ramṭhen ah voi 341, Kachin ramkulh ah 213, Mon ramkulh ah 244, Pago ramṭhen ah voi 259, Chin ramkulh ah voi 588, Taninhtharyi ramṭhen ah voi 107, Mandalay ramṭhen ah voi 73, Rakhine ramkulh ah voi 48, Yangon ramṭhen ah voi 30, Ayeyarwaddy ramṭhen ah voi 8, Naypyidaw ah voi 1 a cang tiah an langhter.

Kahdohnak voi tambik a cannak Kayin ramkulh ah SAC ralkap nih tanglei lei lawng si lo in van lei kahdohnak zong voi tamngai an tuah tiah KNU in chim phuannak nawl ngeitu Pado Saw Tawni nih a chim.

“ Atu hnu ah cun SAC ralkap nih tanglei leiin kahdohnak an tei ti lo tik ah, van lei kahdohnak in bawmhnak an tuah colh, KNU brigade 8 hmunhma ah ni fatin in kahdohnak a phunphun an tuah” tiah a chim.

SAC ralkap nih uknak an lak thla 21 leng chung ram pumpi huap pengkulh 191 ah kahdohnak a cang i, cu chung ah voi 3997 cu KNU brigade 5 Hpapun pengkomh chung ah a cang tiah ISP Myanmar nih an thanhmi cathanh chung ah cun langhter.
Source:RFA

Be the first to comment

Leave a Reply

Your email address will not be published.


*