Kawlram Chun Buaibainak Cu A Zual Hma Chin Lengmang Ko Cang

Myinmu Ah Myanmar Economics Bank Hngaktu SAC Ralkap Kah An Ton Caah 5 An Thi! Sagaing ramṭhen, Myinmu peng Myanmar Economics Bank hngaktu SAC ralkap cu, nihin November 11 zing ah kah an ton caah SAC ralkap 5 an thi, tiah theih a si.

Nihin zing sml 5:00 hrawngah Myanmar Economics Bank hngaktu SAC ralkap cu, an i hngilh lioah bomb in kan puahhnawh hna i SAC ralkap 5 an thi, pakhat hliamhma fak ngai a pu, tiah Myingyan Zero Guerrilla phu in ṭuanvo ngeitu nih a chim.


“An i hngilh lioah Bank hngaktu SAC ralkap 8 cu bomb in kan puahhnawh hna, SAC ralkap 2 nih an kan kah ko nain kan him. Thawngpang kan hlathlai ṭhan tikah SAC ralkap 5 an thi i pakhat cu hliamhma fak ngai a pu,” tiah an kan chimh tiin Zero phu ṭuanvo ngeitu nih cun a chim. Cu kahdohbak ah Zero Guerrilla phu le True Fighter hna i bawm in an kah hna, tiah theih a si. Cre-TCP

Relchap>>>Chinland Joint Defense Committee ii a voi (5) nak general meeting an lim ii biachah nak an ngei mi cu mipi sin ah theih ter nak an tuah .

2022 ,November 3 in 7 tiang Chinland Joint Defense Committee CJDC ii head quarter ah ni (5) chung general meeting tuah a si ii kuzale (30) le a zoh feltu minung (27) zapi minung (57) an kai kho ii meeting chung ii biachah nak an ngeih mi hna cu a tanglei bantuk in an langhter.

Chinland Joint defense committee cu mipi cung ah a lamkip in namneh nak a tuah tu ralhrang hna cu a hram in phawi khawh nak ding ,Miphun luat nak ding le Federal ram dik tak tak a chuah khawh nak ding caah a dang hriamtlai phu hna he ii bawm in ral a tu cuah mah mi phu kan si.

Cu tin ralhrang hna an hram phawi viar ding in kahdoh nak kan tuah cuahmah lio le ramkhel a buai nak cu can tha laa in rithaisii a phun phun le lungthin a thleng kho mi sii hna cu duh poh in a zuar mi nan um.Cu a si caah kan mah CJDC nih kan chinram chung ah zeibantuk rithai sii siamchuah le zuar cu kan phih.

Cu leng ah ralhrang rual hna nih an uk nak a hmunh khawh nak ding caah thim nak tuah ding kong ah forfial nak zong a tuah cuahmah.kan nih CJDC nih cun a zaleng ii tlukrual nak a um mi thim nak lawng kan cohlan caah ralhrang rual nih tuah ding mi thim nak cu kan cohlang hrim hrim lai lo ii cu tin ralhrang nih tuah a timh mi thim nak ah kan chin mipi hna ii tel ve lo ding in kan in forhfial hna.
A cung ii kan langhter mi hna cu zul lo in a buar mi hna cu phung ning tein dantat nak fak piin kan tuah lai tiah ,an thanh hi a si.

Be the first to comment

Leave a Reply

Your email address will not be published.


*