Kawlram Ah Pum Tlamtlinglo Pawl Le Kumkhua Upa Pawl Bawmhnak An Pek Cang Hna Lai

Covid-19 pulrai chung ah Kawlram chung I kumkhua upa pawl hna le pum tlamtling lo hna an caah Europe ram nih Ks 2.2 billion bawmhnak a rak pek.

Hi bawmhnak an rak pek mi tangka hi ngandam nak le lentecelhnak zung le kum upa pawl zohkhanh nak team pawl I kawmh in July thla chung ah hin pum tlamtlinglo minung 50000 leng sinah Ks 30000 cio phawt hna ding an si lai tiah kum upa zohkhanh nak lei lutlai a si mi Mah Naan Suh Hnain Htwe nih Duwun thawngzamh sinah a chim.

Cun kumkhua upa pawl hna cu tangka fang in pek si loin an herh mi thilri le an herh bik nak zawn zohkhanh nak pawl ah bawmh nak kan tuah piak hna lai, asinain pum tlamtling lo pawl cu a tangka fang in kan pek ko hna lai tiah Mah Naan Suh Hnain Htwe nih cun a chim hi a si.

Europe ram nih bawmhnak an rak pek mi chung ah hin ngandam nak lei riantuan tu hna caah PPE uniform, kutawl nak (sanitizer) le mask zong ai tel chih. Asinain pum tlamtling lo mi hna le kum upa pawl hna an caah cun a dang tein an rak tuah thiam ko. Cun zumthlum, thikai zawtnak le lungtur zawtnak a ngei ko nain Covid-19 ruang ah siizung a kal kho lo mi hna an ca zong ah hman ding in khuakhan nak kan ngei tiah Mah Naan Suh Hnain Htwe nih cun a chim.

Kawlram chung ah kum 85 chung a si cang mi hna putar le pitar hna minung 250000 nak tam sinah June thla chung ah khan tangka fangin Ks 30000 cio bawmhnak kan pek cang hna tiah zong an langhter chih.

Source: Duwun

 121 total views,  1 views today

This function has been disabled for Chin 11 News.