Kawlram Ah Minung 4 Sin In Covid-19 Zawtnak Hmuh Chap

Hi hmuh chapmi minung Pali hna hi Bago Ramthen in an si. Hmundang, ramdang khual tlawngmi si lo in ramchung ah ichawnhnak in an ngahmi a si tiah Ministry of Health and Sports nih thawng a thanh. Nihin tiang ah Kawlram ah Covid-19 zawtnak ngeimi minung 20 an um cang i pakhat a thi tiah kan theih.

Hi hna minung pali hi chungkhar pakhat an si hna I chungkhar pabik hi kum 48, cun an fapa hi kum 10, an fanu kum 8 le an tunu te kum 18 an si tiah an langhter ning a si. Chungkhar nubik hi COVID-19 zawtnak a ngei tiah an fehter hnu ah a chungkhar pawl zong cozah siibawi te nih chekhlai nak an tuah hna hnu ah an chungkhar ning in COVID-19 an rak ngeih dih cang hi a si.

Chungkhar nubik, hringtu nu hi Yangon ah ramdang mi pawl sinah rian a tuan mi a si tiah an chim. Cu ruang ah zawtnak hrik an hmuh thar mi hna minung pali cu Home Quarantine ah an chiah hna I an herh mi ti le raw lei-din ding cu cozah lei tuanvo ngeitu hna nih an pekchanh lengmang hna lai tiah zong an langhter chih.

Ref: DVB

 174 total views,  1 views today

This function has been disabled for Chin 11 News.