Kawlram Ah Kum 9 Hngakchia Tisartlam Nih A Seh, Vanthat Nak Ah A Thi Lo

Kawlram Ah Kum 9 Hngakchia Tisartlam Nih A Seh, Vanthat Nak Ah A Thi Lo

Irrawaddy ramthen Bu Kalay myoh chung ah nizan June 29 ah zinglei ah khan kum 9 hngakchia pakhat cu tisartlam nih a rak seh tiah thawngzamh hmang in thawng theih a si.
Hi kum 9 hngakchia hi a min ah Mah Ya Mein a si I api he an inn in pe 9 hrawng a hlat nak tiva te pakhat ah takkholh ding in an kal. Cu inn pawng takkholh ding in an kal nak hmun ah cun tisarltam a rak um caah kum 9 hngakchia nu te cu tisartlam nih a rak seh hi a si.

Tisarltam nih hngakchia nute a seh le cangka in api cu a lau tuk caah hngakchia nute cu a tlaih chih ve I “kan bawm ulaw, ka tunu tisartlam nih a seh e” tiah a au mi thawng cu hngakchia nu hringtu pa le inn pawng mi nih an theih caah a rannak in an rak chuah hnawh hna I kum 9 hngakchia nute cu an chanh khawh than hi a si. Kum 9 hngakchia nute cu tisartlam nih a seh nak ah cun a kehlei ke ruh a kiak, kehlei baan zong fak ngai in tisartlam nih cun a seh nak ah a hma um.

Bu Kalay myohne hrawng ah hin tubantuk in furcaan ah hin cun tiva te ah tisartlam hi an chuak pah lengmang caah kum dang zong ah hngakchia a seh mi hna hi an rak um pah lengmang tiah theih a si. Asinain tukum chung ah hin cun a voikhat nak asi pinah inn pawng tiva ah a si fawn caah khua mi hna cu lungrethei ngai in an um ko hna.

Source: Akon Thi

 202 total views,  1 views today

This function has been disabled for Chin 11 News.