Kawlram Ah Covid-19 Mizaw Thar Minung 16 Hmuh Than An Si

Kawlram cu Covid-19 nih fakdeuh ngai in a hun phak chin lengmang caah fakdeuh in ralrin zong kan herh chih lengmang ko. Tuzan lei suimilam 8:00 (Myanmar Time) i Kawlram ngandam nak zung lei nih thawngthanh nak an tuah mi ah COVID-19 mizaw thar minung 16 hmuh than an si caah Kawlram chung COVID-19 602 an tling cang tuah tuzan lei suimilam 8: 00 pm (Myanmar Time) ah khan thawngthanh nak an tuah.

Tuchun ah COVID-19 rungrul a kai mi minung 16 hna chung in a tam deuh mi Rakhine pengkulh Sittwe myoh chung ah an si hna i Sittwe myoh ah minung 8, Yangon ramthen chung in minung 2 YanKin myohne ah minung 1, Mon ramthen ah minung 2, Mandalay ramthen ah Singapore in a rak tlung mi minung 1 le Pekkhu ramthen ah minung 1 hna hi an si.

Tuchun August 27 ah Kawlram chung dihlak i COVID-19 rungrul an check up mi hna hi minung 1355 an si hna i cu chung ah minung 16 hi zawtnak rungrul an ngei ko tiah an fehter mi hna a si. August 27, zanlei suimilam 8:00 pm tiang ah Myanmar ramchung dihlak i COVID-19 positive pawl hna hi minung 602 an si cang hna.

Cun zawtnak in a damthan cang tiah an fehter mi hna hi minung 346 an si hna i cu chung ah minung 339 hi siizung in an chuah ter cang mi hna an si. Kawlram chung ah COVID-19 in a thi mi hi minung 6 an si ve cang. Tuzan lei tiang ah siizung i an chiah thar mi hna hi minung 67 an si tiah an langhter ning a si.

Source: DVB TV News

 170 total views,  1 views today

This function has been disabled for Chin 11 News.