Kawlram Ah A Um Mi Nih A Rannak In Raksok Ve Uh! America Rammi Si Khawhnak (Diversity Visa) Sok A Ngah Lio Te A Si Hih

Kawlram Ah A Um Mi Nih A Rannak In Raksok Ve Uh! America Rammi Si Khawhnak (Diversity Visa) Sok A Ngah Lio Te A Si Hih

America Rammi si khawhnak (Diversity Visa) DV sok ning. (Myanmar(Burma) ram mi nih sok a ngah lio a si).

America DV 2022 kong he pehtlai in a tanglei ah a herh mi pawl kan rak thil chih

DV 2022 Program cu phaisa fangkhat hmanh dhi lo in sok khawh mi si i October ni 7 in November 10 tiang a tanglei https://dvprogram.state.gov ah hin mah tein fawizaang ngai in sok khawh a si.

Biapi ngai in chim ahcun

A soktu ding mi hi Myanma ram ah a chuak mi a si lai i Myanmar ram passport a ngei mi a si lai.

Cawnnak lei ah a tlawmbik tanghra aung a si lai. A si lo le a lnuacia kum nga chung Myanmar ramchung ah a um i a tlawm bik kum 2 tal rianttuan mi a si lai. A cunglei chim mi ah na tlin ko a si ahcun America DV sok kho dirhmun ah na um ko.

Na sok tik ah a tanglei kong hna hi fel ngai in le dik tein na ttial hna an hau lai.

1.   Name Na min kha na passport cauk ning bak tein khan na ttial lai. (Tachunhnak- Shwe Yee Oo si ah cun last/family name ah Oo, first name ah Shwe Yee tiah ttial ding si lai. middle name ttial lo a ngah ko. Cuti silole first name ah Shwe, Middle name ah Yee, Last Name ah Oo ti zong in ttial a ngah tthiamtthiam. Na min pakhat ah Moe timi pakhat lawng a si ahcun last name timi zawn ahkhan ttial ko law zeidang ttial chap hlei a hau lai lo.

2.  Gender male/female. Pa na si ahcun male၊ Nu na si ahcun female tiah thim.

3.  Birth Date(Chuah nithla) Na chuaih nithla kha Ni Thla Kum tiin ttial.

4.  City where you were born (Na chuahkehnak hmun na chuahnak cazin ning tein ttial).

5.  Country where you were born Na chuahkehnak ram (Myanmar)

6.  Country of eligiblity for the DV Program DV sokkhotu ding ram ah Myanmar (Burma) aatel caah “Yes”, tiah ti ding.

7.  Passport Number

Na passport number kha na ttial lai. Valid a simi passport a si ah a ttha lai.(Valid a dih cang mi a si zong ah a poi lo nain ttuanvo ngeitu lei nih an check hlan ah renew na tuah a hau lai). Passport a ngei lomi nih hi DV hi sok khawh a si lai lo.

8.  Entrant Photograph Hmaanthlak hi a biapi taktak mi a si. DV sok tik ah hmaanthlak hi nunak pakhat tluk bak in a biapi mi a si caah i raalrin taktak ah a ttha.

* 2″ velchum, colour hmaanthlak a si lai.

* A fiangfang mi te a si lai.

* A luancia thla ruk chung i naa thlak mi a si lai.

* Camera ttha tein a zoh mi a si lai.

* Background(Hnulei) a raangmi a si lai.

* Colan a ummi angki a si lai. Uniform hruk mi batnuk si lai lo.

* Lukhuh၊ mitbenh၊ Earphone၊ Bluetooth tibantuk zeihmanh i thuamhchih lo ding a si lai. Na hmai velchum ttha tein a lang dih lai.

* Online in sok ding a si caah JPEG file a si lai.

* File size 240KB nak in a tlawm lei a si lai i 600 x 600 pixels dimension a um mi a si lai.

* Ngakchia hmaanthlak tuah dnig a si ahcun a hngawng ding tein a chiah lai i Camera kha ttha tein a zho lai. Kum tling rih lo ngakchia caah a tthabik cu motor tthutdan/ngakchia tthutdan cung ah thilpuan a raangmi te phah in an hngawng ding tein le Camera ding tein zoh mi hmanthlak a si lai. Abiapit tuk caah Camera thlak a thiam mi te sin ah i thlak ah a ttha khun. Acung lei chim mi ning in tthat tein tuah dih hnu ah memory stick ah i kin ah a ttha.

9.  Mailing Address Umnak address in care of (optional a si caah tial lo a ngah) Address line 1 le 2 ah Inn number/ Condo inn number၊ Lam min၊ Pengtlang tibantuk pawl hna kha Ingtthawngsuh cazin chung i a um ning tekhan felfai tein ttial khumh ding a si lai. City ah khan biana ah Hakha, District/State ah Hakha, Postal Code (Na imnak khuapi zip code na hngalh lo ahcun Post office ah hal hna. Cu ti silole google zong ah kawl khawh a si ko.(zip code um lonak humn si ahcun box ah a um lo tiah(no postal code) tiah ttial ko).

10.  Country where you live today Nihin i na tthutdir/umnak khua/ram ah khan tahchunhnak ah Burma, Singapore, Japan tibantuk in tial a si lai.(DV na sok mi na hmuh sual a si ahcun kha na ttial mi ram i Police hnalhpinak catlap na herh te lai).

11.  Phone Number Optional a si caah ttial lo zong a ngah ko. Ka ttial lai na ti si ahcun Myanmar ram caah cun +95… tiin 09 kha 0 ttial lo in 9 in na phoen number kha na ttial lai.

12.  Email Address Hihi a biapi taktak mi a si. Zungzal in na hman mi Email kha na ttial lai.။ Mah pumpak mintling in le address dikmi in rak tuah mi a si ahcun a ttha chinchin.

13.  Highest Level of Education Cawnnak lei ah dot 1 in dot 10 tiang a um lai. A hramthawk tein tanghra aung si lai kan ti bang in, High School Diploma level tal hi a tlawmbik ah ngeih a hau lai.။ Degree ngei cia na si ahcun, University Degree, Master Degree timi pawl kha na thim hna lai. Cawnak sang deuhdeuh ngah ding fawi deuhdeuh ve!!!

14.  Current Marital Status အပျို Nupi/Va ngei le ngei lo kong ah fiang tein na ttial lai. Nupi/Va ngei cang ko buin ngei lo i na ttial i na sok mi na ngah hnu i chungkhar ngei na ti a si ahcun an i khrih tthan ko lai. Sok lio ah chungkhar ngei rih lo in sok hnu ceo ah na ngeih a si ahcun Tthitum Certificate hmuhsak in KCC he i ceih tti tthan khawh a si ko lai.

15.   Number of Children Ngakchia ngei na si ahcun kum 21 tan na fale kha ttial chih dih ko hna. Nulepa( nih nan sok mi nan hmuh sual pingpang a si ahcun fale dik lak zong an i tel dih). Ngakchia titik ah, mah chung chuak theng lawng si lo in Upadi ning tein cawmken mi ngakchia fale zong an i tel ve kho ko.

Atu cu zeitin in dah America DV sok ning a si na hngalh cang lai dah tiah ruahnak ka ngei.

Na lung a um i sok na duh sual a si ahcun, October 7 in November 10 kar ah sok ding a si lai. A dong lai a nai cun soktu an tamtuk hringhran caah website error tete zong si sual a fawi te caah sok na duh si ahcun tuan lei kap (deadline hlaan) ah rak sok ve hrimhrim ding in kan duh piak. Na sok dih tik i confirmation Number kha print out tuah law felfai tein i kin ding philh hrimhrim hlah.

DV he pehtlai in hal tawn mi biahalnak pawl hna zong tuan ah lehkhawh kan hun i zuam lai. Hitluk caan ttha hi thlah lo in i zuam ve cio hna usih tiah kan sawm hna.

Nan dihlak sin ah vantthatnak um ko seh.

Zawn Ruahnak Tampi he:

Henry Chan Thang nih Chin ca in ka rak leh.

Credit Burmese Wifey

Laknak: Henry Chan Thang’s Page