Kawl Ralkap Than Shwe/ Min Aung Hlaing Ning Hngal Le Khuakhan Hi Hofa Nih Dah Celh Lai!

Tulio Myanmar ralkap nih hranhramlo in uknak an lakmi ahhin minung asimi paoh cu kan lung afak in kan ngeih a chia dih lai ka zumh. Kum 60 chung ralkap uknak hi thanchonak pakhat cu chim lo, kan thingkung le ramsa tiang in an ci a mit dih cang. Kan biaknak in siseh, miphun hme tete dirhmun in, kan thinlung tiang in ral chiatnak le sal thinlung an kan put ter dihtu ralkap.

Kum 60 chung minung lungthin le miphun hme tete a kan thenhmal dihtu uico Kawl ngian le ralkap pawl uknak kha vun cuanh than tikah, a thar in vun i awt than ding cu thih lawlaw hmanh ai ham mi an tamtuk cio ko lai mu. Than Shwe/Myint Aung Hlaing ning hngal ning le khua tuaknak hi mizei dah celh hnga? Tlangrian le cozah rawl bur ding le ramdang nih hnu i chit viar i sifak taktak in vun um than ding hi ruah khawh ding asi lo mu.

Cucaah, ahohmanh lungrual tein kan tan rual cio a herh. CNLD, CLD, CNP le NLD e, ti caan asi lo lung khat in dir ti caan asi. Mizeimaw catialmi ka hmuh le party sungh ruangah ralkap aa na ting mi ah a diriam mi nan um len i tan rual lo ding phun in ca nan tial len hna, khuachia lungthin keng nan si kha bantuk minung pawl kha. NLD e, USDP e kan tanh le tanh lo kha asi lo, ralkap uknak kan duhlo kha si deuh. Cucaah ramchung in siseh, ramleng in siseh lungkhat bakin party ti um loin kan dirti hna a herh.

A bikin laihlum pawl lung rual tein um hna u, minung pa 1 an tlaih sual ahcun nan zapi thong 5000 bak tlai ding lawlaw in um ulaw, thong zong nih tlum lo lawlaw dingin i lung rual ko u. Belchin tum tal cu ahohmanh nih ma hlah ulaw a inn dihlak le khua ning piin cheih ko u, lung rual tein. Catialtu: Chelsea Bawi