Kawl Ralkap Nih Pahnih An Thah Hna, Chin Pakhat Ai Tel

Kawl ralkap nih an tlaih mi hna an ruak in an hmuh hna. Rakhine ramkulh Mepung myone Kantaungkyi khuate ah a ummi khuami pahnih hna cu December 18, 2019 ni ah khan Kawl ralkap nih an tlaih hna i an kalpi hna. Nizan ah an ruak in kan hmuh hna tiah Mepung myone Pyituh hlutraw kuzale U Phe Tan nih a chim.

An khua ah leikuang rian a tuan cuahmah mi U Oo Ni Tan ( kum 65 ) le Chin miphun  U Kong Che ( kum 40 ) hrawng cu an rak tlau. Nizan ah an an leikuang pawng ah an pahnih hliamhma he an ruak in hmuh an si.

Nunnak a liammi pahnih hna hi Kantaungkyi khua in meng thum tluk hlatmi leikuang ah Kawl cozah ralkap nih December 18, 2019 ah khan an rak tlaih hna. Rakhine rankulh ah AA hriamtlai le Kawl cozah ralkap buai hnu in sualnak ngei lo khuami minung 90 reng lo an thi cang i minung 140 leng hliam an tuar.

 

 240 total views,  1 views today

This function has been disabled for Chin 11 News.