Chin ram cu kan hmunhma a si bantuk in Kawl ralhrang hi zoh sawhsawh kan tim ti hna lo. Tahchunhnak ah Khualhringtlang khua 13 an zam dih an timi khi, Nu nau, ngakchia le tar deuh hi a zammi an si hna, Khua Mino hrimhrim a hohmanh zam an duh lo. Min AUng Hlaing ralkap bak a bawmhmi an tam tuk.
Tutan ah Thantlang peng khualhring tlangah a hongkaimi Kawl ralkap cu an lungamit cang. An i timh ning bantuk a rak si lo. CDF/CNA le Mipi nih an rak phomh hna cu a hmun ah 17 bak an hrilh ko hna. A dang vialte cu hnu an tolh dih i, zamnak lawng an kawl cang.
Cu tikah an hawi le Ralkap Sopum ummi nih an van zuan hnawh hna nain, an fuh ngam nemmam hna lo. Ngalrual bang ramtang ah a tu hi an vai ko. Lam le sul in an kal ngam ti lo. Lam le sul in kan kal ahcun CDF/CNA nih an kan phomh lai ti hi an tih tuk cang. Cucaah hrolkuang le bua lak lawng tein ramsa hliam bang lam hmanh an zawh ngam ti lo.
Tutan ahcun Chin ram ah teinak kan hmu hrimhrim lai. Chin Miphun cu Pathian nih umpi mi kan si. Kan mino vialte le CDF/CNA nih hnu tolh an i tim ti lo. Kawl ralkap nih hin an tih tuk hna ti a fiang tuk nain, Cung lei Order cu an el ngam lo caah a si ko. Kawl ralkap nih hin Chin Miphun le CDF/CNA hi a rak kan zenh tuk cang ti a fiang, Nain Chin pasaltha daithlang lo tein, Hi misual hi rak bawmh peng hna uh. Teinak kan hmu hrimhrim lai. Bawipa nih umpi mi Miphun kan si. Amen
Leave a Reply