Kawl Ralkap Kahnak Ruangah Khuami Pahnih Thi

Kawl ralkap kahnak ah khuami pahnih an nunnak a liam. Rakhine ramkulh Minbya myone ah Kawl ralkap kahnak ruangah khuami pahnih an nunnak a liam tiah theih a si.

Minbya myone Phungtawa khuate ah a ummi khuabawi U Ngan Ting ( kum 42 ) cu zahan sml 11:00 hrawng ah khan Kawl ralkap pawl khua ah an lut i an vuak an den hnu ah meithal in an kah i a nunnak a liam. Cu pinan fa pakhat a ngri cangmi nutung Daw Phyo Phyo Win zong ralkap nih a inn chung ah an kah i a nunnak a liam tiah an chim.

Mahhi an khuabawi a umnak pawng ahhin inn 10 hrawng an um hna. Kawl ralkap an rat lio ah phone an chawn. Ralkap nih an phone chonh mi ngol ding in meithal an puah hnawh hna. A cheu an zam i a cheu an zam lo. Cuticun ralkap nih an kah hna i minung pahnih an thih hi a si.

Mahhi kong ah Kawl ralkap lei nih an chimnak ahcun sullam ngei lo a ruang um lo kahnak kan tuah lo tiah an chim. Tuchun zanlei tiang ah khan an ruak lak an senh rih hna lo. Ralkap nih halthlainak  an tuah cuahmah rih.

 

 215 total views,  1 views today

This function has been disabled for Chin 11 News.