Kawl Ralhrang Pawl Cu Thah An Tong Thluahmah Ko!

Myuang Ah Datsi Phormi Tilawng Cu PDF Nih Drone In Bomb An Thlak, SAC Ralkap 8 Hrawng An Thi Kho
Sagaing ramṭhen, Myuang peng SimiHkung(ဆီမီးခုံ) tilawng dinhnak hmun in Ayeyawaddy tiva thluan a hrawngmi SAC ralkap datsi phor tilawng cu, June 13 zanlei ah Myuang peng LDF ṭangṭi phu hna nih drone in bomb an thlak hna, tiah Myuang Peng LDF sin in theih a si.

SAC ralkap nih hriamngan voi hnih le hriamhme tam ngai in Myuang peng khua te lei ah an kah. Tilawng(Speed Boat) ah SAC ralkao 15 hrawng le Pyudmsawthi 15 an i cit, tiah theih a si.
Myuang peng ṭangṭi phu hna nih, June 13 zanlei ah bomb kan thlak i SAC ralkap 8 hrawng an thi, tiah Myuang CDSOM nih social media ah an langhter.

June 13 zing sml 10:9 hrawng ah SimiHkung in a chuakmi tilawng 8 don ding ah a kalmi SAC ralkap pawl nih, an kalnak lam runvennak caah hriamngan in an kah i, Naga khua electric mei a rawk. Datsi phormi tilawng he an i tong i an kir lei ah ṭangṭi phu nih kan kah hna caah SAC ralkap 2 an thi, tiah cathanh an chuah.
Cu hnu ah Drone in kah i an tilawng hrawh kan ti tim ko nain pawngkam khua te mei an khangh lai kan ruah caah, zanlei sml 4:00 hrawng ah 60 mm hriamngan in Drone in kan thlak hna, tiah an langhter.

Drone in an kah hna lioah SAC ralkap 2 lawng an zaam kho. A tlawm bik 8 an thi lai, tiah theih a si.

Cu kahdohnak ah CDSOM, PDF TALOKE, Sagaing pengkomh Battaliin 2, Companny 3, MGN RANGER, MGN TIGER, CRF, M2W, YFPDF le CRA hna i bawm in an kah hna, tiah theih a si. Credit: The Chin Post

Be the first to comment

Leave a Reply

Your email address will not be published.


*