Pumpak in a hmanthlak le a sining kan langhter lai lo. Kapa hi kum 60 lengkai minung a si cang. Keimah a fanu hi ramdang ka um tikah ka chung le zamnak le himnak dingah cun ka hmuhmi poh ka kuat hna lai tiah ka pa cu phone ka conh. Nain Kapa nih a cohlang lo.
Ka fanu na kan dawt le na kan zoh khehnak cungah kan ilawm. Tutan ahcun na nu le na nau le cu an himnak dingah zam ko hna seh. A poi ka ti hirmhrim lo. Nain keimah tu cu Ramvaihnak dingah Thonghrolh meithal nan ka cawk piakmi hi, ramvaih ding a um ti lo caah Meithal nan ka cawk piakmi tu hin khua ka rak veng lai i, a herh cun Misual Kawl ralhrang hi ka rak kah hna lai, tiah a ti.
Kapa he phone kan i chonh cu ka mitthli ka tla bak ko. Ka pa nih Kawl ralkap uknak a rak fihtuk ning le a rak simhtuk ning hi ka ruah ah ka zaang bak a fak. Kapa zam ve ko. Na him pei a biapi cu tiah kan ti zongah a duh bak lo. Cucaah ka pa kong ka ruah ah ka lawmhtukmi cu Kapa hi Miphun dawtu a si ve caah tutan ahcun a tong poh tong ko seh, kan i lungsak ve lai tiah bia khiahnak kan tuah.
Kapa hi kum 60 leng minung a si cang nain, Min Aung Hlaing kongah lungthumh aa tim ti lo. Kapa dirhmun ka van zoh tikah kapa kum upa hmanh nih zamtak a tim tilomi Kawl ralhrang hi cu, Mino chinchin nih cun ziah an zam tak kun lai i, ti ka ruah ah, Kan Chin ram cu teinak kan hmu hrimhrim lai tiah ka ruah chan bak ko. Teinak ngeitu Pathian nih kan um pi hram seh.. Kan sining ka langhter lai lo. Share in thazaang rak kan pe cio uh.! Kapa zong Bawipa nih veng hram seh. crd
Leave a Reply