CDF Paletwa le AA karlak ah buainak faak a chuak kho. AA nih CDF Paletwa cu anmah khua, le ram bak ah mipi soilem siseh Chin flag siseh nan thlai kho lo an ti hna. Lung a faak tuk.
CDF Paletwa cu AA sin ah Training an kai tibantuk in bia dik lo a chim mi kan um maw?? Bia dik lo a si. AA nih Paletwa chuh a kan timh mi ah raltha tein bia a chim ngam tu le a kah hmanh AA he kan i kap lai a ti tu cu CDF Paletwa lehlam an si thiamthiam ko.
Ramleng ummi Chin miphun unau hna CDF Paletwa hi biatak in bawm hna usih. AA nih kan Chinram kan chut kho hlah seh ti kan duh ttung ahcun CDF Paletwa an thazaang a tthawn a hau.
Relchap>>>>>Zeitluk in dah state pakhat chungah hriamtlai hi lungrual a herh tihi kan theih tuk cang lai dah. Kan hawi shan ram khi zoh usih law hriamtlai phu tampi an um hna. Khikhi i bawm loin anmah le anmah an i kap i nihin tiang an i tu ko khih. Anmah ca thatnak pakhat zoh in an um cio hna caah ral an tei kho lo.
Shan state ralkap vialte khi anmah le anmah i rem hna sehlaw ttangrual in ralhrang hi do hna sehlaw Shanram ah kawlralkap pakhat hmanh an um ti hnga lo. An tei tuk hna hna i an ram chung khi anmah tein fawi tein an i uk kho hnga. Anmah le anmah an i kah peng le an i rem lo caah ralkap khi nihin tiang an tei hna lo i anmah le anmah tu an i phomh peng.
Hmun dang chim hau lo nihin kan chinram kan dirhmun hi zoh lo awk a tha hrimhrim lo. Chinram hi minung tlawmte kan si anin. peng kip rem lonak a tam taktak nak hmun a si. Politics in siseh biaknak hmanh ah kan i zum hna lo caah Association tampi kan dir hna hna i cu ticun kan um.
Dothlennak nih a kan phak i nihin ah arem lo mi hriamtlai kan tam taktak. Cathanh kip kan i chuah hnawh hna i CDF le CDF hmanh peng khat le pengkhat hmanh cu ticun kan um. Kan ral bik a si mi Min Aung Hlaing hi kan target a si kan philh deng cang. Chinram hi mirum le thil sunglawi chuahnak hmun rak siseh law hriamtlai kip kan tho hnga i kanmah le kanmah kan i phomh tuk cang hnga.
Shanram bantuk phun deng kan si cang. Nihin ah kan lung a fim lo a si ahcun ralkap hi tei hna hlah usih law chinmi hi miphun vaivuan kan si kho. Hmun kip ah sifah buin kan i then hna lai i kan tlau thluahmah lai. Nihin i i dawt caan le i rem caan, kan miphun nih ral kan tuk lio a si caah remnak ngan pi kan karlak ah a um a hau.
CDF min kan i sak mi ruang hmanh i remnak a um lomi miphun kan si hi ningzak taktak kan si ko. hmailei i kan zia kan thinh lo a si ahcun ralhrang hi fawi tein tei ding kan i ruah chan mi hi kan tei kho hna lai lo i sal ah kan thih tiang kan tang lan lai. Miphun lungrual nak zawn ah kan i fun tthup a hau cang. Cucu teinak lam pakhat kan neih mi a si. Crd..pa LianHc
Leave a Reply