Kani Le Zinmapin Lei Ah I Kahnak A Fah Caah Khuami A Thonginn An Zaam

Kani Le Zinmapin Lei Ah I Kahnak A Fah Caah Khuami A Thonginn An Zaam Sagaing ramthen, Kani peng le Zinmapin peng ah rallokap nih July 15 thok in PDF hna cu fak tuk in hriamngan le hriamhme in an kah hna ruangah khua mi hna cu an umhmun an khua cu minung a thong leng nih an zaamtak tiah khuami hna sin in theih a si.

Kani peng chung cu Zipintun khua, Aung minkala khua, Chawngmah khua,Linpungzi khua, Mu kaawng khua hna i mipi cu ralzam dirhmun an phan.

Linpungri khua um ralram pakhat nih nikhat cu hriamngan kuan lak ah le hriamhme kuan lak ah ka tli.Kanmah peng ah Covid- 19 zawtnak zong khuakip ti tluk in hmuh a si caah mah ti ning kan um ahhin cun kuan nih a kan kenh lo hman ah Covid in kan thi dih ko cang lai tiah a chim.Ralzaam hna cu ei din rawl le sii le ai a rannak in bawmh kan herh ti zong in a chim.

Kanmah hrawng mipi hna cu nifatin in ral kan zaam caah rawl kan ei lo ni hna a tam i kan ngan zong a dam ti lo, Sii hna zong tlamtling in a um lo.Nifatin in thingtang ramtang tlangtang ah kan i thup caah fikfa hna nih an kan seh i kan pum chung ah hma in kan khat dih cang tiah a chim.

Rallokap nih tu bantukin an kah hna caah Kani le Zinmapin peng hna cu Covid-19 in a zaw mi mipi hna cu ngandamnak lei riantuan hna nih zohkhenh ding ah har nak an tong.TCP