Kan Unau Mawia A Fanu Te Cu Zaangfak Tei A Si Ko!

Ngakchia zaangfakte a si ko. A min cu Elzabeth a si. Hi ngakchia duhnung ngaimi hi Pu C. Lalhmingmawia le Pi Lalfakzuali (mafaki) i an fa a si. Aizawl Dawrpui Vengthar ah a um tawnmi an si. Asinain Pu Mawia rian ruangah Shillong Happy Valley i Arc Assam Regiment Center ah an i thial. An nupa hin fa pa 4 an ngei i fa phir hnih in an ngei. Phir hme deuh hme deuhmi i a ngakchia deuhmi Elizabeth Hmingsangzuali cu a mit orhlei ah cancer a nei. Eli mit orhlei nihhin zeihmanh a hmu kho lo i, a fah zong a fah tuk caah fakpi in a tap tawn.

Cucaah cun mafaki nih a tuar kho ti lo i, caan rem hmasa bik ah Shillong sibawi sinah a tlikpi i, an nih nihcun a ran khawh chungin sizung lian deuh ah kalpi dingin an chimh. Hyderabad ah an kalpi. Hyderabad i sibawi hna nih an check hnu ah Mit cancer (Retinoblastoma) a si tiah an fianh. A mit orhlei cu cancer hrik nih a rak hrawh tuk caah a nunnak ca tiangin tih a nung an ti caah Dec 27:2019 ah khan a mit orhlei cu an hlonh piak.

Asinain a poi ngaimi thil a um rihmi cu, cancer hrik cu a mit kehlei zongah cun tampi a rak um manh. Asinain sibawi te nih Chemotherapy te hna le EUA te hna an vun tuah. EUA result a vun chuah ah cun a mit kehlei ah cancer hrik cu an hmu ti lo. Hmanthlak kan hmuh baantuk hin a mit orhlei cu an hlonh piak i, mit tuhmi (aritifical eye) Rs. 16600 hman cu a mit ah an bunh piak.

 112 total views,  1 views today

This function has been disabled for Chin 11 News.